علاء مرسي: بعض الممثلين الشباب لا يحترمون النجوم الكبار

قال الفنان علاء مرسي؛ أسباب غياب بعض النجوم الكبار عن الأعمال الفنية لافتا أن الأجيال الجديدة من العاملين في المجال لا يعرفونهم وبالتالي لا يقومون بضمهم إلى العمل.

وقال مرسى في مقابلة مع برنامج "نص الكلام" المذاع على قناة "النهار": "في بعض الفنانين الكبار تلاقي الأدوار حجبت عنهم بسببهم أو لأسباب أخرى ولكن لما يدخلوا عمل تلاقي قيمة العمل ارتفع".

وأضاف: "النجوم الكبار مش موجودين في الأعمال الفنية لأن مساعد المخرج الشاب ميعرفهمش والمنتج الفني ميعرفهمش في جهل بالناس".

وتابع: "بشتغل مع الجيل الجديد وأنا مؤمن أن دة زمنهم؛ وفي منهم بفرح بيهم وفي منهم بشوف أنه ميستاهلش يبقي في المكان دة؛ أنا كنت شاب ومثلت مع حد كبير ولكن أنا كنت بحترم الحد الكبير".

وأوضح: "بعضهم بيسيبني أنتظر وهو قاعد بيحط روج وبيعمل مكياج؛ لو واحدة بنت هستناها لأن طبيعي لكن أنا ممكن أطلع شعري منكوش؛ بتعمل دور ميكانيكي خد وقتك يحطولك شحم مش تسرح شعرك".

واختتم: "لو اعترضت هيقولك ياعم أنت منفسن عليه ليه؟ أنا مش منفسن أنا شايف غلط؛ لكن أنا مينفعش استني واحد بيحط روج ولا زبدة ككاو".