سيد عبد الحفيظ: مكناش نعرف إن الدوري بـ 200 بطولة أفريقية
كشف سيد عبد الحفيظ؛ مدير الكرة بالنادي
الأهلي أسباب خسارة الفريق لبطولة الدوري لافتا أن هناك عدة عوامل تتعلق بالفريق
وضغط المباريات وأمور أخرى.
وقال عبد الحفيظ في مقابلة مع برنامج
"على مسؤوليتي" المذاع على قناة "صدى البلد": "البطولة
كانت في المتناول ومعتادين عليها وكانت قريبة ممكن حاجات غلطنا فيها زي تركزينا في
أفريقيا وكانت أولوياتنا بنسبة 7:3 وأخفقت في بعض القرارات أو التحضيرات وجزء فني
واللاعيبة".
وأضاف: "تعرضنا لضغوط بسبب الماتشات
والناس كانت بتكلم على ضغطة النادي الأهلي الناس شافتها في المنتخب وكان ضرر اللي
بيدير المسابقة مبصلوش؛ هو بص أن لازم يخلص من الجدول".
وتابع: "كان في عوامل خارجة عن الإرداة
وكان في حاجات مش مثالية وعدم عدالة؛ عايز أقول مكانش في توفيق في أوقات في
الإدارة التحكيمية لم تكن موفقة بنسبة 80%".
واختتم: "في حاجات مكانتش مظبوطة في
النهاية لازم تعترف وتبص لنفسك واحنا بنعترف بالخطأ ومكناش نعرف أن بطولة الدوري ب
200 بطولة أفريقيا بس السنة الجاية هنركز عشان ناخد البطولة الأهم".
