حمادة هلال يرد على الاتهامات الموجهة للمداح بالترويج للدجل والشعوذة

رد الفنان حمادة هلال؛ على الاتهامات الموجهة لمسلسل "المداح" والذي عرضت منه ثلاثة أجزاء خلال السنوات الماضية بالترويج للدجل والشعوذة.

وقال هلال في مقابلة مع برنامج "يحدث في مصر" المذاع على قناة "أم بي سي مصر": "احنا مش بنخوف الناس ولكن الناس بتشوف والحاجة دي من السهل تبقي حواليك ولكن العلاج عندك أهو ذكر ربنا".

وأضاف: "القلق الكبير أنك ممكن تقول حاجة تضل بيها ناس؛ الجزء التاني موضوع الجمل اللي مخلوق من نار والناس مكانتش عارفة دي"ز

وتابع: "أحنا دراما وفاتح باب الخيال وإن الإنسان ممكن يحصل له أي حاجة؛ كل المشاهد كانت موجودة في الاسكريبت ومينفعش حد يتدخل يفتكس ويعمل حاجة من دماغه أنت ممكن حاجة خيالية ولكن نبعده تماما عن الشرع أو أي حاجة على المستوى الديني".

وواصل: "هو أنت بتروج ياحمادة للدجل والشعوذة؟ في شيخ بيتكلم وقالك حمادة عمل حاجة أن صابر المداح بيعالج كل دة بذكر ربنا أنت مش بتروج أنت بتقول للناس لأن الناس بقت عايشة فيه بجد؛ اللي مبتتجوزش تقول أنا معمولي سحر".

وأوضح: "أنا قلت للناس في المسلسل يا جماعة أصبر على رزقك مش فلان اللي أنت رايحله دة عشان يقنعك بأنك مسحور أنت رايح تلبس نفسك جريمة كبيرة هتعيش طول عمرك متشيطن على عيلتك وحياته وبتنسي تقول يارب ودا اللي بيقوله صابر المداح وأياك تروح لواحد أنت فاكر أنه هيكون سبب في نجاتك".

وأكمل: "مشهد الفنانة لوسي مشهد اخراجي والمخرج في دماغه أن القبائل دي ليها أماكن وأماكن التصوير في وادي والمشهد الأخير كنت رايح مرعوب وكل دة كان متحدد؛ سانت كاترين وجبل موسى؛ وطلعنا الجبل في 5 ساعات و800 سلمة ولما طلعت نسيت التعب؛ دا المكان اللي كان فيه سيدنا موسى".

واختتم: "الورق هو اللي بيخليك تمثل لو الورق وحش لا قدر الله هتمثلها ازاي؛ ولكن لما تبقي الحكاية هي اللي شيلاك بتخلي الموضوع مختلف؛ صابر مش ملاك وفي أشخاص كدة بجد لما تتفرج على الجزء الأول أبوه وهو طفل صغير كان بيفتح عليه المندل وهو صغير لحد ما بقي عنده طاقات شيطانية ولما الشيخ صابر بدأ يخرج من العمل دة خرج بطريقة غلط وفي الجزء التاني خرج غلط بردو وبدأوا يشتغلوا عليه في الجزء التالت".