أحمد موسى يطالب مجلس النواب بإزالة صورة سعد الكتاتني

علق الإعلامي أحمد موسى، على الجولة التي اصطحب فيها وزير الخارجية السفير سامح شكري نظيره التركي في مقر وزارة الخارجية بقصر التحرير.

وقال موسى خلال برنامج "على مسؤوليتي" المذاع على قناة "صدى البلد": "إن الفيديو الذي عرضه أمس أبكي جماعة الاخوان الإرهابية، الاخوان من امبارح مناموش؛ بكاء وعويل ونار في بيوتهم؛ عرضت الصورة دي امبارح سامح شكري أخد مولود شاويش أوغلوا وزير الخارجية التركي في جولة بقصر التحرير مقر وزارة الخارجية وهو مقر فاخر ".

وأضاف: "الصورة فيها رؤساء مصر من 1952 لحد دلوقت الرئيس محمد نجيب والرئيس عبد الناصر والرئيس السادات والرئيس مبارك والرئيس عدلي منصور والرئيس السيسي".

وتابع: "الجولة والصورة عملت تفاعل كبير وطبعا بالمناسبة مكانش ينفع أبدأ في تاريخ مصر الصفحة البيضاء لهذا الوطن يتم في وقت من الأوقات تبقى عندنا سنة سودة وجاسوس باحكام محاكم مصرية؛ شوية جواسيس وخونة مينفعش أبدا يبقي موجود".

وواصل: "بطالب مجلس النواب تاني وطالبت الدكتور على عبد العال وبطالب المستشار حنفي الجبالي صورة الكتاتني مينفعش تلوثوا بيها مجلس النواب؛ مينفعش صورة الكتاتني تفضل موجودة لحد النهاردة؛ ارفعوا صورة الكتاتني من مجلس النواب؛ التاريخ دة اتمحى من ذاكرتنا".

وأوضح: "أرجوكم زي ما الخارجية المصرية مشكورة؛ الوزير سامح شكري خد مولود شاوش أوغلو في جولة بوزارة الخارجية وبيتكلموا وتاريخ مصر العظيم وزير الخارجية بيشاور لوزير الخارجية التركي وبيشرحله طبيعي".

وأكمل: "لازم حضرتك كمواطن بتحب بلدك تحيي وزير الخارجية سامح شكري؛ الكلام دة مهم مش لازم نتكلم في تفاصيل كتير أنا أمبارح اتكلمت دقيقة ونص في الموضوع دة والفيديو دة لازم نشوفه تاني دا أكثر فيديو مشاهدة".

واختتم: "حضراتكم بتشوفوا الفيديو وسامح شكري في جولة مع وزير خارجية تركيا أمبارح عقب المؤتمر الصحفي وهنا رؤساء مصر من 1952 وحتى اليوم وكل الاعلام الدولي النهاردة عامل تقارير عن الموضوع دة؛ يقولك أمال فين أسمه ايه؟ مش موجود مينفعش أبدا يبقي وسط رؤساء مصر الوطنيين اللي خدموا بلدهم وبيخدموا بلدهم".