ابن عمة الطفلة دنيا ضحية ملاهي الإسكندرية يكشف التفاصيل
كشف مروان ناصر، ابن عمة الطفلة دنيا ضحية ملاهي
الإسكندرية التي توفيت بعد سقوطها من إحدى الألعاب في الملاهي، تفاصيل الحادثة.
وقال ناصر في مداخلة هاتفية لبرنامج
"الحكاية" المذاع على قناة "أم بي سي مصر": "كنت قاعد في
البيت لقيت أختي بتتصل بيا بتقولي ألحقني أنا في الملاهي ودنيا وقعت من اللعبة
واخدت خالي وأخو دنيا ورحنا على المستشفى".
وأضاف: "وصلنا هناك للمستشفى ودخلنا ثائرين
بنحاول نفهم في أية البنت ميته وواحدة خبطتين وواحد من ملاك الملاهي بيقلي دا
كلمتني واحنا بننقلها وكلام كدب كله".
وتابع: "كان في شاهدة وبالصدفة هي ممرضة
ودكتورة وركبت مع دنيا على أساس تعملها اسعافات أولية لكن مكانش في نبض".
وأكمل: "لما عرفوا أن البنت ماتت بدأت
أعدادهم تقل بدأوا يختفوا ويعملوا اتصالات رحت واخد بعضي وصورت فيديو وانا بحاول
أطاردهم بالفيديو".
واختتم: "الملاهي موجودة من زمان وفي
مكان حيوي وشارع رئيسي في الإسكندرية ومعندهمش ولا أمان ولا ترخيص وسمعت أن الأرض
مش بتاعتهم ولازم حد يموت عشان الدنيا تتحرك".
