«ارحمونا واسكتوا شوية».. لقاء الخميسي تبريء مهرجان الجونة من كورونا
علقت الفنانة لقاء الخميسي علي ما يتم تداوله حول تسبب مهرجان الجونة السينمائي في إنتشار كورونا بين عدد كبير من الفناننين.
وقالت لقاء الخميسي في منشور لها عبر صفحتها الرسمية علي فيس بوك :" علشان بس نبقى واضحين وعلى نور، مهرجان الجونه كان منظم ومحدد..حالات الكورونا اللي ظهرت مالهاش دعوه بفاعليات المهرجان ولا الافلام ولا الندوات ولا ليها علاقه من قريب او بعيد بالمهرجان مَش اي هري وخلاص".
وأضافت: " كل حاجة كانت منظمة والكل بيدخل العروض بكمامه والندوات والفعاليات بالكمامه، السجاده الحمراء اللي النجوم مشيو عليها ماكانتش زحمه والا الناس قريبه من بعض، حتى العربيات اللي بتحرك الناس كانت دخولها بكمامه ! ".
واستكملت :" المهرجان عمل اللي عليه وزياده وكان محافظ على القواعد والاجراءات الاحترازية، وبعد كدا التجمعات اللي مالهاش علاقه بفعاليات المهرجان مَش مسؤولية مهرجان الجونة بل هي مسؤولية الاشخاص اللي اختارو يحضروها مسؤليه ذاتية مَش لازم نبقى متخصصين في تشويه اي حاجة حلوه بتتعمل في البلد".
واختتمت :" ارحمونا واسكتوا شويه وبلاش هري على المهرجانات والفنانين والفن !لقد هرمنا".
كان عدد من الفنانين اعلنوا إصابتهم بفيروس كورونا، عقب أيام قليلة من أنتهاء مهرجان الجونة، وهو ما دفع البعض إلى الربط بين زيادة أعداد إصابات الفنانين ومشاركتهم في الحدث الفني.
