كوكا ينعي والدة برسائل مؤثرة

كتب أحمد حسن كوكا، النجم المصرى المحترف فى صفوف أولمبياكوس اليوناني، رسالة نعي إلى والده عبر حسابه الشخصي على موقع التواصل الاجتماعي "إنستجرام".

ونشر "كوكا" صورته مع والده وعلق عليها: "يمكن اللي هقوله ده ناس قليلة تعرفه عشان أنا مش بحب اتكلم في حياتي الشخصية، بس أنا والدي ده من غيره أنا مش حاجة ولا عمري كنت هبقي حاجة ولا احقق اي حاجة، بابا الله يرحمه من وأنا عندي 6 سنين وداني النادي الأهلي، كان أكبر حلم له إني أطلع لعيب كورة ويفتخر بي قدام أهله وصحابه، وعلى طول معايا في التمارين والماتشات ولما يكون عنده شغل ومايعرفش يحضر بيخلي حد يصور الماتش عشان يتفرج عليا بعد كدة، أيوه حبه لي وأنه يشوفني بلعب كورة كان حاجه تانية".

وعن موقف والده من الاحتراف، أوضح كوكا: "كبرت وجالي عرض احتراف وهو على طول في ضهري، قال لي قبل ما اسافر كلمتين مش هنساهم لاخر يوم في حياتي (عايزك ماترجعش مصر غير وانت مشرفني بره عايز افتخر بيك وسط أهلي) قلت له إن شاء الله يا بابا ، سافرت و في اول شهر ،نزلت التمرين ولما رجعت كان في مطافي وبوليس كتير عند بيتي، فبصيت لاقيت شقتي كلها بتتحرق، كل حاجه كانت عندي في الشقه راحت، كلمت بابا وقلت له أنا عايز ارجع مش قادر على الغربة واللغة صعبة وبعد اللي حصل ده يمكن ربنا مش رايد إني اكمل هنا، قال لي أنا بكرة الصبح هجيلك".

وتابع: "بابا تاني يوم كان عندي وجايب لي لبس جديد كتير واداني فلوس عشان اجيب اللي عايزه وقال لي أنا جيت عشان افكرك أنك مش هترجع غير لما تشرفني وتشرف بلدك، انت فاكر انها سهله ؟ الي حصل ده يقويك مش يخليك تستسلم. الحمد لله علي كل حاجة بس انا من غير والدي ماكنتش كملت، الله يرحمك يا اطيب واحن وارجل انسان شوفته في حياتي، كان نفسي تبقي معايا و تفرح بي، ان شاء الله نتجمع تاني في الجنة".

وأعلن "كوكا" خبر وفاة والده يوم 21 أكتوبر من عام 2015.