صور | "السينما النظيفة" على طريقة يوسف الشريف.. تصريح ملامسة النساء يتصدر تويتر

كتبت دينا أحمد: معرفش إزاي الناس مش شايفة متلازمة "أنا أحسن منكم" اللي عند يوسف الشريف، ومنبهرين بعلاقته بربنا اللي بيمسحها في وشنا كل فترة، أنت بتعمل كده عشان تاخد حسنات ولايكات؟

بينما كتبت ملك محمد: أكتر مقطع خطف قلبي وحبيته جدا ف الحوار لما رامي رضوان سأل يوسف أيه أكتر حاجة كنت شاطر في اصطيادها يوسف قال قلب مراتي، حقيقي أنا ضحكت جدا مش عارفة ليه وحسيت إني مبسوطه جدا، بس حقيقي ربنا يخليكم لبعض، وتفضلوا تحبوا بعض دايما، بحبكم.

بينما قال كريم حمدي: لقاء كان أكتر من روعة بجد، والله انبسطت جدا جدا، وكل يوم بحمد ربنا بجد إن عندنا حد زيك، بيخاف ربنا في كل حاجة وإنسان متدين زيك، بحبك جدا يا يوسف.

فيما علق يوسف الشريف في تغريدة على الهجوم عليه، قائلا: "مش عارف إزاي كلمة (المشاهد الساخنة) اتحولت لـ(ملامسة النساء) عموماً لازم نفترض حسن النيه".

متحدثا عّن مشهد له في مسلسله الأخير مع الفنانة سهر الصايغ قائلا: "وطبعاً المشهد ده أصلاً ملوش أي علاقة بالكلام ده. ده مشهد عادي جداً وتخيل إن كل الدوشه دي بسبب تصريح من حساب مزور. كذبوا الكذبة وصدقوها".