"لو غيرك مقدم أقل منك هيكسب".. السيسي لرئيس "المقاولون" بشأن سد في تنزانيا
دار نقاش مطول بين الرئيس عبدالفتاح السيسي والمهندس محمد محسن صلاح رئيس شركة المقاولون العرب، بشأن إنشاء سد في تنزانيا.
بدأ النقاش بحديث للفريق كامل الوزير وزير النقل، قائلا: "المقاولون يافندم كان ليهم طلب محتاجينك تساعدهم فيه، في كوبري تاني هناك في تنزانيا"، وردّ السيسي: "مش انتوا قدمتوا، وقدمتوا أقل من غيركو؟"، فردّ صلاح: "لأ في أقل مننا"، فسأله السيسي: "أقل بأد إيه؟.. بكتير أوي؟"، فأجابه صلاح: "العرض المنافس أقل بكثير".
واعترض السيسي قائلا: "لأ محدش يبقى أقل مننا، أنا مساعدش إلا إذا كنت أقل من غيرك، الرزق على الله، لو غيرك مقدم أقل منك هيكسب"، وحاول رئيس شركة المقاولون العرب التبرير لكن السيسي رفض، قائلا: "أنا معرفش الكلام ده.. أنت أقل من غيرك تاخد، لو ما أخدتش خلاص كل واحد بياخد نصيبه، إنّما أنا لو هتدخل عشان أقوله والنبي أنا مصر لأ مفيش الكلام ده، ولما حصل في السد كدا اتقال كلام، فهنقدم العرض اتقبل اتقبل متقبلش خلاص".
وشدد السيسي على رئيس الشركة: "متضيعوش الفرصة دي والرزق على الله، وأنت موجود هناك بالفعل، ومعداتك هناك، ودي فرصة، مش بالعافية ومش بالمجاملة، بس بالشغل والالتزام، وبالميعاد والأسعار".
