ريهام سعيد.. تقدم لمتابعيها اعتذار بعد استضافتها لمشاهير Tik Tok
تصدر اسم ريهام سعيد الترند في الساعات الماضية بسرعة الصاروخ عقب استضافتها مشاهير Tik Tok، يذكر أن ريهام سعيد استضافت سوزي الأردنية ومداهم في برنامجها، وتعرضت لحملة انتقادات كبيرة وبعد تحقق غرضها تقدمت باعتذار؛ على أساس أنها كإعلامية لا تعرف ولا تتابع التيك توك ومشاكله.
اعتذار ريهام سعيد لاستضافتها مشاهير Tik Tok
كتبت ريهام سعيد عبر حسابها الرسمي على فيسبوك بالنص "أنا مكنتش بدخل على التيك توك ولا أعرف اللي بيحصل فيه أنا بعتذر لجمهوري إني استضفت ولو حتى واحد منهم عتابي للإعداد هيكون شديد.
هي إيه الجولات والفيديوهات اللي على التيك توك اللي كلها ألفاظ قذرة وإيحاءات انتوا مش خايفين تتحبسوا؟؟؟؟؟؟؟؟؟؟؟؟؟؟؟
ليه كده؟ ليه بتخلوا شكلنا كده؟ وأنتوا عشرة وإحنا 130 مليون إحنا شعب عظيم.. عيب.. عيب أوي كمان
واللي غلط هيتحاسب حساب عسير.. انا هوريكوا البلد فيها قانون إزاي".
قضية ريهام سعيد وطبيب التجميل نادر صعب
و في سياق آخر كشفت الإعلامية ريهام سعيد، عن تطورات قضيتها مع طبيب التجميل نادر صعب، كما أوضحت تفاصيل آخر لقاء بينهما وفقا لموقع "et بالعربي": "بطل يجيلي عروض تمثيل، لأن اللي بيتقال على ريهام سعيد دلوقتي إن وشها باظ، مبقاش عندي شغف أو طموح عشان احقق حاجة في التمثيل، بلبس نظارة الشمس طول اليوم مش عايزة وشى يبان".
وأضافت: «في قضية هو رفعها بتاعة لبنان، أثبت بالصوت وبالمستندات إن ملهوش أي فلوس، والقاضي طلب من الطرف التاني إثبات إن ليه فلوس، أنا متهماه بـ 7 تهم وباشكر النيابة المصرية على مجهودها في التحقيقات، فات 8 شهور وأنا منتظرة القضية تنزل جلسة، لما انشر تقرير الطب الشرعي اللي بيقول إن هو أخطأ بعدها مفيش كلام يقدر يتقال».
و تابعت: «مقدرش أطلع رسائل ما بينا تدينه للإعلام عشان مش مسموح ليا، لكن كل دا مثبوت في النيابة إن تعملي عملية أنا مطلبتهاش، العملية كانت في الخدين مكنتش في العين، وفي رسالة بقوله إنت ليه جيت جنب عينيا قالي أنا اضطريت، وبعد العملية بقيت أشوف كل حاجة اتنين».
و اختتمت: «في آخر لقاء بينا في عيادته أنا انهرت من العياط، مفكرش يقولي استني هشوفلك حل، وعاملني بمنتهى القسوة ومراته قالت إني بعمل كده عشان أجيب مشاهدة».
