أول تحرك من رانيا يوسف ضد مروجي شائعة وقف فيلم "التاروت"
علقت الفنانة رانيا يوسف على الجدل المثار بشأن فيلم "التاروت" والذي تقوم ببطولته بعد أن نشرت شائعات بشأن وقف الفيلم بسبب بعض المشاهد الخارجة.
وقالت يوسف خلال برنامج "الحكاية" المذاع على قناة "إم بي سي مصر": "الفيلم هيتعرض وعمره ما كان ممنوع الرقابة أجازت النص والسيناريو والفيلم مفيهوش أي حاجة من الكلام اللي بيتقال ده خالص، هل كل اللي شغالين في الصحافة صحفيين لما ييجي صحفي صغير مش عايز يعمل حوار أو مش عايزه أطلع في البرنامج بتاعه، سلاحه قلمه بيحاربني بيه ودول دخلاء على مهنة الصحافة".
وأضافت: "لما بقول مش عايزة أطلع في برنامج وعايزه أركز في شغلي أو أركز في تربية عيالي بيتعبروه دا تقليل منهم، وبالتالي عنده قلمه يقدر يحاربك دا غير السوشيال ميديا ومبقاش في ضمير أو أخلاق الفيلم مجاز رقابيا في السيناريو واتصور".
وتابعت: "لا رانيا مثيرة للجدل ولا بتعمل حاجة، رانيا بتشتغل وبتربي ولادها وفي حالها وهما مركزين مع رانيا لأن رانيا بتطلع تريند وهو عايز الموقع بتاعه يتشاف، هو عيب يبقى في حيوانات في الفيلم؟ الفيلم فيه قطة وكلب وبغبغان وسابوا كل ده ومسكوا في الكلب".
وواصلت: "الفيلم متصور من سنتين وخلصان من سنتين كل المواقع بتكلم بسبب الكلب عشان رانيا اللي ماسكة الكلب فاحشروا رانيا في أي مصيبة، هو واحد معندوش ضمير بيقول على نفسه صحفي ونشر الخبر في جريدة وأنا هاخد إجراء قانوني ضد الصحفي والجريدة لأن الموضوع بقى مستفز وهاخد حقي تالت ومتلت".
واختتمت: "المفروض نبتدي ندخل الحيوانات الأليفة معانا عشان نعرف الناس أن في مخلوقات أخرى في الكوكب ونتعامل معاها برحمة وإنسانية".
