عمرو أديب: روتانا أبدت استعدادها للتصالح مع المطربة شيرين
أكد الإعلامي عمرو أديب، أن شركة روتانا عبرت عن استعدادها للصلح وحل المشكلة المثارة حاليا مع المطربة شيرين عبد الوهاب.
وقال أديب خلال برنامج "الحكاية" المذاع على قناة "أم بي سي مصر": "وصلني النهاردة من روتانا بشكل واضح رسمي أنهم على استعداد للصبح ولكن مع تسوية الأمور؛ نسوي الأمور ونشتغل ونعمل حفلات".
وأضاف: "شيرين مش ناقصة؛ بقالها سنتين بتكعبل في ضلها؛ أنتوا عارفين البشر ممكن حياتك الشخصية بايظة ولكن حياتك العملية ماشية ولكن الاتنين الانسان يسقط؛ نريد مساندة شيرين ونريد أن تحصل روتانا على حقها".
وتابع: "أرجوا في الأيام القادمة وتكون دي البداية لأنه أزعم أن محدش قال ايه الموضوع؛ محدش قال هتوصل لايه؛ لما شيرين تنزل أغنية ترزع في الأرض بقول منسمعهاش قرصنة وتكون موجودة في كل المنصات".
وأكمل: "أرجوكم ياجماعة الموضوع قابل للحل؛ احنا مبنتكلمش في شيء مستحيل؛ الموضوع واخد حده واللي قاعد في السوشيال ميديا هيشوف الموضوع ماشي ازاي؛ احنا بنتكلم في قامات كبيرة وحاجات بتأثر في مستوى الناس يعني انا اسمع شيرين والا أسمع الحاجات التانية".
وأوضح: "شيرين لما تغني القيمة والاستماع والمتعة وهو ده الفن ولو انتوا مش شايفين دور للفن خلاص على الدنيا السلامة".
وأكمل: "ارجو أن تكون حلقة النهاردة اننا ندخل في الحكاية بشكل عاقل؛ نتكلم في الموضوع بشكل عاقل؛ حقك أيه يا شيرين اتفضلي حقك أيه يا روتانا اتفضلي؛ عايزيم تنفصلوا زي ما دخلتكم بالمعروف نخرج بالمعروف".
وذكر: "روتانا متعودة على أنه ممكن يبقي في مشاكل لأن الفنانين دايما عندهم مود وعندهم إحساس بأنهم يستحقوا أكتر من اللي بيتعمل طبيعي".
