تامر أمين عن انتشار جدري القرود: "إحنا تعبنا من القصة دي" (فيديو)
أكد الإعلامي تامر أمين، أن هناك اتجاهين يتم النقاش حولها في كيفية التعامل مع فيروس جدري القردة، مشيرًا إلى أن البعض يعتقد أن التهويل من الأمر يصب في صالح شركات الادوية.
وقال أمين خلال برنامج "آخر النهار" المذاع على قناة "النهار": "تحذير جديد وتهديد جديد بس هذه المرة متعلق بالصحة، أنا مش عايز أفول وأبقى ببشر ولكن إحنا تعبنا من القصة دي ما صدقنا خلصنا من قصة كورونا ووباء كورونا والعزل والكمامات والبروتوكول العلاجي عشان نسمع عن القصة الجديدة بتاعة جدري القرود".
وأضاف: "قصة مخيفة وابتدأ الكلام يطلع من المؤسسات الدولية والمؤسسات الطبية ابتدا كلام بردو بيقول شكلنا زي البدايات بتاعة قصة كورونا، نفس الكلام اللي كنا سامعينه في بداية قصة كورونا، ربنا يستر وميبقاش نفس السيناريو".
وتابع: "في مدرستين على السنة الأطباء ووسائل التواصل أنه لازم ناخد بالنا ونعمل كل البروتوكولات الوقائية عشان ميبقاش خطر وفي مدرسة تانية بتقولك كده كتير والقصة دي بتبقي قصص مفتعلة؛ قعدوا يخوفونا من كورونا وعدت واللي اتصاب اتصاب واللي نجي نجي زي أي مرض بيحصل في الدنيا والتهويل منه بيبقي لشركات الادوية والتصنيع فمش عايزين يتعمل علينا نفس الفيلم تاني".
وأعلنت منظمة الصحة العالمية، الأربعاء الماضي، جدري القرود حالة طوارئ صحية عامة على الصعيد العالمي لثاني مرة خلال عامين، وذلك عقب امتداد تفشي الوباء الفيروسي من جمهورية الكونغو الديمقراطية إلى دول مجاورة.
ويثير تفشي جدري القرود الحالي القلق أكثر هذه المرة من التفشي السابق، لأنه ينطوي على متحور جديد من المرض، يقول الخبراء إنه أكثر التحورات التي رأوها على الإطلاق.
