"الناس اشمئزت منك".. شقيق شيرين عبد الوهاب يهاجمها (تفاصيل)
تجددت تصريحات شقيق شيرين عبد الوهاب عن أزمتها مع حسام حبيب، حيث دخل محمد عبد الوهاب "شقيق المطربة شيرين عبد الوهاب"، على خط التصريحات المنسوبة لها، والتي تستغيث فيها مجددا من زوجها السابق حسام حبيب.
تصريحات شقيق شيرين عبد الوهاب
محمد عبد الوهاب، عبر صفحته في موقع فيسبوك، كتب،:" يا شيخة والله ربنا ياخدنا بقى عشان نرتاح من القرف ده، كفايه بقى أقسم بالله قرفنا والناس قرفت واشمئزيت منكم".
وتابع، واصفا قصتها مع حساب حبيب:"أقذر قصة عرفتها البشرية والله، حسبي الله ونعم الوكيل فيكم انتو الاتنين".
وكانت قد قالت شيرين عبد الوهاب: "الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي".
وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.
وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.
واستكملت شيرين عبد الوهاب: أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي.
تعليق حسام حبيب
وعلق الفنان حسام حبيب على الاتهامات العديدة التي وجهتها له شيرين عبد الوهاب ومنها سرقتها، والتربح من أعمالها وحفلاتها ومحاولة الإيقاع بينها بين ابنتها قائلا:" عملت كده عشان بتتصل بيا وبتحاول تتواصل معايا وأنا رافض".
واستكمل:"بريء من هذه التصرفات، واتهامي بالسرقة كل مرة كلام أقل بكثير من أن أعلق عليه ارحموني منها هي فقط تستقوي بالناس".
