الإنفاق على المشروعات؟.. السيسي: "نعمل ونعاني ولا منعملش وتخرب"

قال الرئيس عبد الفتاح السيسي، إن إنفاق الدولة الكبير على المشروعات المختلفة وخاصة مشروعات المياه كان ضرورة لا بديل عنها.

وأضاف السيسي، خلال افتتاح موسم الحصاد بمشروع مستقبل مصر، اليوم الاثنين: "يا جماعة عملنا حاجة.. مفيش خيار تاني، يا نعيش يا نموت بقى، المشروع ده الحكومة دفعت 190 مليار جنيه وخلاص قربنا نفتتح".

وتابع: "كام بقى؟ هنا 15 محطة رفع وهنا 15 محطة رفع، قد يساوي في تكلفته محطة الحمام، ما تسموا اسمه حاجة تاني، أنت بتتكلم في 300 مليار جنيه على الأقل، لو عندي مياه من المطرة مش هدفعهم، لكن بضطر أعمل ده عشان حجم الأرض في الدلتا محدد وعليها تعديات".

وأكمل: "التحدي والقرار هنا نعمل ونعاني ولا منعملش وتخرب، تخرب بجد، وربنا مطلع، هو الكلام ده عملته بمشورتي ولا بمشورتي كلكم، كل مشروع له وثائق ومحاضر ولا إيه يا دكتور.. أنا بس عايز أقول ليه متعرضتوش للتكلفة".

وأتم: "عشان اللي بيسمع ميعتبرش ان المسار ده كان إخفاق، والناس غلطت، لأ لأ، إحنا مغلطناش بفضل الله بس دي ظروف بلدنا، طب نعمل ونعاني ولا منعملش وتضيع بلدنا مصر، لأ نعمل ونعاني".