عاجل|"أتربينا على الشيبسي".. أول تعليق من تامر حسني على حملة الانتقادات بسبب إعلان شيبسي
بعد حملة انتقادات كبيرة تعرض لها الفنان تامر حسني بسبب إعلانه الجديد عن منتج “شيبسي” الذي يدخل ضمن منتجات المقاطعة بعد أحداث غزة، خرج عن صمته في أول رد فعل، بعد فقدانه متابعة جزء كبير من جمهوره.
وكتب تامر حسني عبر صفحته الرسمية على موقع التواصل الاجتماعي "فيسبوك": “مساء الخير عليكم.. بقالي يومين بتابع اللي بيحصل واحترامًا للجميع.. أنا بوضح حاجة بخصوص إعلان شيبسي الأخير”.
وقال: “أولًا.. أنا على قوة الشركة من سنتين، قبل أي أحداث وده مش أول إعلان، ده ثالث إعلان في عقدي، معلش أحيانًا الكلام عند بعض الناس بيبقى سهل، وتحديدًا لما بيكون بدون علم بالعقود وبحيثيات الموضوع كله”.
وتابع تامر: “ثانيًا.. أنا مضيت على عقد مكتوب فيه، إن شيبسي شركة مصرية ولها سجل تجاري ضريبي مصري منفصل والبند قدامكم أهوه لصدق كلامي”.
وأضاف: "ثالثًا.. والأهم لأي حد بيشكك في انتمائي للقضية الفلسطينية، هقوله أنا من ٢٠ سنة وأنا في ضهر القضية ومش كلام وأغاني بس لاااااا …. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب مجاملة مثلًا …!!".
واختتم تامر حسني: “أخيرًا …. أنا لما قررت أكون الوجه الإعلاني لشيبسي من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم إن الشخص البسيط يقدر يشتريه في ظل ظروفنا الاقتصادية، وأظن ده واضح في الاعلان.. ده كان شعوري الشخصي تجاه الحملة وأنا بمضيها من سنتين عشان كده كان واجب علي التوضيح للجميع وللّي مش واصلاله الصورة بكل احترام.. وشكرًا لكل اللي ردوا عني وهما مغمضين حقيقي انتوا نعمة كبيرة من ربنا ألف شكر ورمضان كريم على الجميع”.
وخسر تامر حسني أكثر من مليون متابع دفعة واحدة بسبب هذا الإعلان الذى يؤكد تضارب مواقف تامر حسني، فقبل أيام شارك تامر حسني مجموعة صور من خلال مبادرته مع جمعية الهلال الأحمر لتقديم المساعدات لأهل غزة وقال: “أتمنى من كل مصري إنه يهتم بالجمعية العظيمة الرحيمة دي ويحاول يقدم أي دعم ولو بسيط ليهم”.
