وزير التموين يغادر معرض أهلًا رمضان بشبرا الخيمة بسبب استياء الأهالي
علق الإعلامي أحمد موسى؛ على التكدس الذي شهده معرض أهلا رمضان في شبرا الخيمة والذي افتتح بحضور وزير التموين ومحافظ القليوبية.
وقال موسى خلال برنامج “على مسؤوليتي” المذاع على قناة “صدى البلد”: "وزير التموين النهاردة كان في شبرا الخيمة؛ افتتاح معارض أهلا رمضان وأنا بصراحة اللي شوفتها من زحمة الناس وكلام الناس ضد السيد وزير التموين يبين أن الأزمة كبيرة جدا؛ أزمة الأسعار والسلع".
وأضاف: "رايح تفتتح معرض وبتكلم على انخفاض كبير وتجد هذا الهجوم من الناس؛ الناس هاجمت الوزير لدرجة أنه مكملش وكان معاه محافظ القليوبية وحصل تكدس كبير وضغط؛ اعداد من الناس جاية عايزة سلع مخفضة؛ المشهد دة بيقولنا لدينا أزمة كبيرة واحنا داخلين على شهر رمضان".
وتابع: "الناس النهاردة نازلة من بيتها لأنك قلت بنعمل معارض مخفضة وهنفتحها قبل رمضان بأقل من شهر؛ الدكتور علي المصيلحي مع محافظ الجمهورية كانوا موجودين وكان في ضغط كبير جدا".
وواصل: "أتمنى كل مواطن شريف وكل تاجر شريف وكل واحد النهاردة؛ مينفعش أبدأ أنت قررت تشارك في هذه المبادرة ولكن لو أنت مش قد المشاركة متشاركش؛ المواطن أحق بكل شيء؛ أنت قررت انك تبقى موجود لأنك مستفيد واحنا مستفيدين والناس مستفيدة".
وأوضح: "مينفعش تقولوا للناس المعرض دة احنا عملناه كده؛ يا تعمل المعرض وتحترم كلمتك مع الدولة يا اما متدخلش؛ دا معمول عشان المواطن يروح يلاقي السلعة بتاعته ولكن المواطن يروح النهاردة عشان يلاقي السلعة بتاعته وتقوله كويس أننا عملناه؟ لا أنت مش بتجبي على الناس".
وأكمل: "الحكومة معنية بهذا الامر وأي واحد داخل في المعارض للناس حضرتك لو مش قد المسؤولية وبتشتغل للناس متدخلش؛ المشاهد صعبة جدا ودا هيتكرر كل يوم واحنا عارفين أن دة هيحصل لأن في أزمة أسعار حقيقية؛ التموين يقولولنا كلام وعلى الأرض كلام تاني خالص".
وذكر: "الناس اللي متعودين يعملوا كراتين يوزعوها مش عارفين يلاقوا؛ أو يلاقوا كيلو السكر بـ 50-56 جنيه كيلو السكر يبقي احنا عندنا مشكلة كبيرة في هذا الموضوع والتموين مش عاملين حسابنا لكل دة؛ وبصدر أزمة من عدة شهور مش عارفين نحلها وبتسمع كلام جميل أوي ولكن على أرض الواقع عذاب والله".
واختتم: "المواطن نزل من بيته عشان يلاقي كيلو سكر ومش عارف يلاقيه؛ المواطن عايز تخفيض ولو جنيه طيب لما يبقي كيلو السكر فيه تخفيض جنيه؟".
