أحمد موسى يرد على شائعات الإخوان بشأن مصنع أبو قرقاص للسكر

رد الإعلامي أحمد موسى؛ على الشائعات التي أطلقتها اللجان التابعة لجماعة الإخوان الإرهابية والتي أشارت إلى إغلاق مصنع أبو قرقاص للسكر.

وقال موسى خلال برنامج "على مسؤوليتي" المذاع على قناة "صدى البلد": "الناس بيتكلموا على مصنع السكر في أبو قرصاص بالمنيا غير الوضع الموجود؛ لقيت أخبار كتير منتشرة البلد قفلت المصنع شوفتوا من أيام الخديوي من 155 سنة معقولة في عهد الرئيس مصانع تتقفل؟ دي أسئلة وخد اللجان بقي اشتغلت ويقولك بيبعوا المصانع والأرض عشان المستثمر الفلاني والعلاني".

وأضاف: "وخد بقي قصص وروايات وحكايات بدون ما يكون في حقيقة واحدة؛ حد يقولك شوفت القصب مبقناش نزرع قصب وحد تاني يقولك اه عشان مستثمر يجي يزرع البنجر وحد رابع يقولك هو فين وزارة التموين وحد خامس يقولك هي البلد رايحة على فين".

وتابع: "ايه الحكاية وايه الحقيقة؟ عندنا مصنع سكر في أبو قرقاص زي اللي عندنا في جرجا وسوهاج؛ مصانع سكر وطول عمرنا عارفين الحكاية دي وفي ناس لا تعلم أبو قرقاص فين ولقيت ناس بتقولك أنا زمان كنت بشوف القطر وبياخد المحصول للمصنع".

وأوضح: "زراعة القصب بالنسبة للمزارع مكلفة شوية وبتاخد ماية كتير أوي؛ بيزرع القصب ونام جنب القصب لحد موسم الحصاد ويخدوه منك الجمعية ويودوه مصانع السكر واللي عارف التجارب هيعرف الحكاية أولها ايه واخرها ايه".

وذكر: "تاخد المحصول توديه المصانع وتاخد الكميات اللي أنت عايزها؛ القصب بيتزرع في الصعيد؛ المنيا مش كتير ولكن كان في سوهاج وقنا وأسوان والأقصر مصنع أبو قرقاص مصعنين مش واحد؛ المصنع التاريخي اللي الناس دايما بيدوروا على التاريخ وبتوع الاخوان الخونة زعلانين أوي دا مصنع لما كان يتم توريد القصب ليه".

واختتم: "مساحات مزروعة في المنيا أو أسيوط أو بني سويف وكانت بتورد المحصول لمصنع أبو قرقاص ودا مصنع كبير كان بيدي انتاج كبير جدا يمكن تلت الإنتاج في مصر؛ في نفس المصنع اتفتح مصنع أخر سنة 1999-2000 للبنجر فالمصنع دة مش قصب بس في مصنع للبنجر داخل في أبو قرقاص أيضا يعني كان متشاف أنك هتعمل بنجر وهيكون لصناعة البنجر مكانة".