أحمد موسى: نزول المصريين للانتخابات صدم جماعة الإخوان

قال الإعلامي أحمد موسى، إن إقبال المواطنين اليوم على التصويت في الانتخابات الرئاسية كان غير مسبوقا.

وأضاف موسى خلال برنامج "على مسؤوليتي" المذاع على قناة "صدى البلد": "الناس دي تشكر كل واحد أو واحدة نزلوا صناديق الاقتراع ومازال في لجان شغالة لحد دلوقتي ومازال في ناخبين بيدلوا بأصواتهم حتى الأن نتيجة للكثافة الكبيرة".

وأضاف: "الكثافة اللي وصفها المستشار أحمد بنداري بغير المسبوقة؛ الكثافة الكبيرة محصلتش أبدأ النهاردة الوضع مختلف وفي وعي كبير أوي؛ الشعب النهاردة ولسه بكرة وبعده ونستمر في الزخم اللي بنشوفه".

وتابع: "دي الرسالة اللي إحنا بنقدمها للعالم كله إحنا المصريين والمشاهد في كل مكان وما في مقر انتخابي ألا وحشود؛ حتى الأن مازال هناك تصويت حتى اللحظة وأنا بتواصل مع حضراتكم بيقولولي أيوة مازال شغالين في عدد من اللجان الفرعي ودا اللي حريصين عليه".

وواصل: "الغالبية العظمي من اللجان قفلت ولكن مازال في بعض اللجان الفرعية شغالة حتى هذه اللحظة وهو دة اللي بيؤكد الرسالة بتاعتنا رسالة الكثافة في اليوم الأول واستمرار اللجان شغالة وهو ما يؤكد بعد قرار الهيئة الوطنية للانتخابات بمد التصويت في اللجان حتى التاسعة ومستمرين لحين تصويت أخر واحد".

وأوضح: "الناس اللي منزلتش النهاردة بكرة عندكم يوم مهم؛ نزولكم صدم جماعة الإخوان الخونة؛ استمروا في توجيه الصدمات ليهم؛ نزولك وجه الصدمة لعناصر جماعة الاخوان الإرهابية الخونة كانوا مستنين حضرتك متنزلش الانتخابات".

وواصل: "كانوا مستنيين متروحش ويطلعوا فيديوهات الحق اللجان ولكن اللجان النهاردة قدامها ألاف الناخبين؛ شكل اللجان مختلف عن قبل كدة فميقدرش واحد إخواني خاين يفبرك فيديوهات لأن اللجان بتاعة 2014 مختلفة عن دلوقت في كل شيء في التنظيم وشكل اللجان واقبال الناس".

وأكمل: "عملتوا كل دة ووجهتوا رسائلكم الصح النهاردة؛ ما في لجنة فرعية ألا وقدامها الكثافة دي لحد الساعة تسعة وعدد من اللجان مستمرة لحد الساعة العاشرة ولحد الآن في تصويت ومعناها الكثافة والحضور".

واختتم: "اليوم الأول مفيهوش مظاهر سلبية كبيرة والاهم النهاردة الاقبال الكثيف؛ المراة والشباب وكبار السن سيطروا على المشهد الانتخابي النهاردة".