مصطفى بكري يهاجم بيان البرلمان الأوروبي: "وقاحة واضحة"
هاجم الإعلامي مصطفى بكري؛ بيان البرلمان الأوروبي ضد مصر مشيرا إلى أن ما ذكر فيه يعد وقاحة وتدخل في الشؤون الداخلية المصرية.
وقال بكري خلال برنامج "حقائق وأسرار" المذاع على قناة "صدى البلد": "أصوات في الولايات المتحدة بتطالب بحجب 235 مليون دولار عشان ايه؟ عشان يبقي في تحسين لحقوق الانسان؛ الخارجية الأمريكية خرجت وقالت إنها سوف تستمر في العمل مع الحكومة المصرية لتوفير حزمة المساعدات العسكرية لأسباب تتعلق بالعلاقات الاستراتيجية بين البلدين ولكن خروج الأصوات دي وارتفاعها في الكونجرس في نفس الوقت اللي منظمات هيومان رايتس وواتش بتردد نفس الكلام دا يخلينا ننتبه ونسأل أنفسنا ليه دة بيحصل واشمعني صدى الصوت دة بيقول نفس الكلام".
وأضاف: "الإدارة الأمريكية بتحاول تكون متوازنة اليومين دول ودا اللي شفناه لما اتسأل متحدث الخارجية الأمريكية لما اتسأل عن ترشيح الرئيس السيسي لنفسه قال دا شأن داخلي ولا علاقة لنا به كويس كتر خيرك وياريت تفضلوا كدة وياريت متمدوش إيديكم وتتدخلوا في الشؤون الداخلية المصرية".
وتابع: "أنا عايز أتوقف أمام بيان البرلمان الأوروبي اللي أصدره من كام ساعة واللي أقل ما يقال إنه وقح وتدخل سافر في الشؤون الداخلية المصرية شيء غريب يا أخي يقولك القضاء بتدخلوا فيه وهما نفسهم بيتدخلوا في شؤون بلد مستقل وبيطالبوها بتقويض احكام القضاء؛ شيزوفرينيا".
وأوضح: "وكلامهم بيقولك على مصر دعم سيادة القانون وحرية التعبير والافراج عن عشرات الألاف من المسجونين السياسيين قصدك بمين عشرات الالاف؟ قصدك جماعة الإخوان".
وأكمل: "اتنين التوقف عن مضايقة المعارضة وعلى رأسهم المرشح الرئاسي أحمد الطنطاوي؛ نمرة تلاتة ودي وقاحة واضحة؛ الافراج الفوري غير المشروط عن هشام قاسم واسقاط كافة التهم الموجهة إليه؛ هو كان معتقل سياسي؟ هذا شخص سب أخر معارض وحاول الاعتداء على رجال الأمن في قسم الشرطة ورفض يدفع الكفالة؛ القضاء أصدر حكم 6 أشهر تلاتة وتلاتة".
وذكر: "ازاي ياناس اللي بتكلموا عن الحريات واحترام القضاء تقولولنا عايزين نلغي حكم قضائي؛ هل دة المندوب السامي البريطاني مرة أخرى يطل بوجهه ويحاول التدخل في شأن قضائي؟".
واختتم: "أنا عايز اسأل البرلمان الأوروبي هل دي شروط اذعان؟ هل مثلا ناويين تعلنوا الحرب على مصر؟ فوقوا وافهموا كويس أوي أنتوا بتتكلموا مع مين؟ بتتكلموا مع مصر أكبر دولة في المنطقة مصر محدش يتدخل في قضائها ولا يديها أوامر ولا تعليمات".
