ابن شقيق العندليب يعلن مقاضاة محسن جابر: "لازم الجهات المعنية تتحرك"

أعلن محمد شبانة ابن شقيق الفنان الراحل عبد الحليم حافظ، عن مقاضاة المنتج محسن جابر لإساءة استخدام أغاني العندليب.

وقال ابن شقيق العندليب خلال لقاء تليفزيوني: "أنا اتفاجئت إن شركة من شركات أستاذ محسن بتنزل مهرجان باسم حبيبها بيدخلوا عبد الحليم كده في جملة وبعدها يخش مهرجان اسمه حبيبها فشئ غريب ميقولش بقى أنا حامي الغنوة والكلام ده وهو في الأخر بيكسب من الأغاني دي ومن أغاني المهرجانات برضو".

وتابع: " هناخد بقى إجراءات قانونية.. عمرو مصطفى لسه موريني الحاجات دي من 3 أيام وبلاقي إعلانات كمان بأغانيه هو أنا عشان أكسب 50 ألف دولار أدخل اسم عبد الحليم في إعلان منتج رش والكلام ده".

وأضاف: "كل واحد ياخد حقه وكل حاجة وقتها هتمشي في المظبوط.. ده شئ مسئ جدا وأنا مش هقدر لوحدي أعمل حاجة لازم وزارة الثقافة تتحرك والجهات المعنية تتحرك ده تراث مصر في الآخر".