أحمد موسى يرد على الشائعات بشأن الدواجن المستوردة

علق الإعلامي أحمد موسى؛ على المشككين في قرار الحكومة استيراد الدواجن المجمدة من البرازيل والادعاءات بأن الدواجن المستوردة قد تسبب مشكلات صحية.

وقال موسى خلال برنامج "على مسؤوليتي" المذاع على قناة "صدى البلد": "عندنا أزمة فراخ والسفير نادر سعد كان معانا من كام يوم وسألته عن الازمة دي هل الحكومة عندها حل؟ قال أه؛ والدنيا من يومها قامت ومقعدتش".

وأضاف: "الحكومة عايزة تحل الازمة فتقرر الحكومة أننا نستورد شوية؛ تستورد مش نافع تقف تتفرج وتسيب اللي بيتاجروا بالناس والاسعار تطلع إلى 120 جنيه للكيلو مش نافع".

وتابع: "ألحقونا مش نافع؛ طيب أنا بلحقك تقولي أنت كنت مخطط ومرتب من بدري عشان تستورد؟ وعشان كدة أزمة الاعلاف؟ دانا بحل أزمة قالك دي أزمة الأعلاف مفتعلة وأه أنتوا بتفتعلوا أزمة الاعلاف عشان تستوردوا فراخ مجمدة وعشان تجيبوا الفراخ دي من البرازيل ومخصوص وفيها مواد أيه عشان تسبب عقم للناس".

وواصل: "تخيل حضرتك عشان تحل أزمة فيطلع لك في الفراخ الموجودة في دول الخليج بالكامل وتركيا من 15-20 سنة ونفس الفراخ ومحدش أتكلم عليها ولكن عشان مصر عايزة تحل أزمة لا لا متحلش أزمة خلي الأسعار تفضل تطلع عشان الناس تدايق هل دة معقول؟ هل دة مناخ؟ الفراخ المجمدة موجودة والا مش موجودة في مصر؟".

وأوضح: "هل وارد النهاردة لما الدولة تتكلم أنها تحل أزمة تبقى الفراخ دي مش كويسة؟ طيب الحكومة بتدخل عشان تحل أزمة تحل والا لا؟ دور الحكومة أنها تتدخل لحل الازمات التي يعاني منها المواطن؛ أزمة الأعلاف تدخلت؛ أزمة المشاكل في الموانئ تدخلت؛ أزمة الفراخ تتدخل ولازم يتدخلوا؛ أدي المزارع فلوس كويسة وادي المزارع سعر ضمان عشان تزرع درة وصويا وعباد شمس".

وارتفعت أسعار الدواجن في مصر بنسبة تزيد عن 60% خلال عام لتصل إلى مستويات تاريخية نتيجة انخفاض سعر نتيجة ارتفاع أسعار الأعلاف وشح المعروض بسبب أزمة الدولار، و"المبالغة" في السعر من قبل المربين وسماسرة الدواجن.

وكان المتحدث باسم مجلس الوزراء قد أكد في تصريحات سابقة أن الحكومة تدرس استيراد الدواجن بصفة مؤقتة من أجل تقليل الفجوة في المعروض بالأسواق.