عمرو أديب يعلق على مصافحة الرئيس السيسي وأردوغان
علق الإعلامي عمرو أديب، على المصافحة بين الرئيس عبد الفتاح السيسي ونظيره التركي رجب طيب أردوغان خلال حفل افتتاح نهائيات كأس العالم في قطر.
وقال أديب خلال برنامج "الحكاية" المذاع على قناة "أم بي سي مصر": "مصافحة مهمة بين الرئيس السيسي ونظيره التركي في افتتاح كأس العام والمصافحة أعقبها خبر أشار إلى أن هناك قمة مصرية تركية قطرية".
وأضاف: "واضح من الصورة أن تقريب العلاقات بين تركيا ومصر على أساس وساطة قطرية واحنا عارفين من شهر أن في كلام صادر من الإدارة المصرية أن لسه في قضايا كثيرة بينا وبين الأتراك والأمر لم ينتهي بعد ولكن الان الكلام أن هناك مصافحة وبعدها في كلام عن قمة مصرية قطرية بيتم الكلام فيها عن أوجه الخلاف".
وتابع: "كل الناس النهاردة يقولك أه شوفتوا سلموا على بعض أهو؛ المسألة بسيطة خالص والله الناس دي تحترم الإدارة المصرية والشأن الداخلي المصري وألا تستخدم أرضك كمنصة للهجوم على مصر أنت بالنسبالي هتبقي زيك زي البرازيل وهولندا وأي دولة؛ هترفع إيدك عن هذا الأمر أنا كمواطن معنديش مشكلة".
وأكمل: "هتجنحوا للسلم أهلا وسهلا ناويين تكملوا في أنك تساند الإرهاب أو ناس عندك؛ في حقيقة الأمر تركيا عملت جهود واضحة أنها متبقاش منصة للهجوم عليك وشوفنا طرد للكثير من العناصر الإخوانية الموجودة في أنقرة".
وأوضح: "عندنا خلاف في ملف ليبيا وغاز البحر المتوسط أنا بالنسبالي كمواطن مصري أمن بلدي والمصلحة المصرية رقم واحد انما سلم عليه ودة معناه أيه كل هذا الأمر لا أتوقف أمامه".
وواصل: "السياسيين ليهم اختياراتهم والشعوب ليها انحيازاتها أنا مش عايز أقولك إن النهاردة لما شفته بيسلم على الرئيس أنا صفيت من ناحيته ومبقاش في مشكلة".
واختتم: "عندنا تحدث وتبقي العلاقة طبيعية بين الدولتين ولو كملت المصالحة المصرية بلا عوائق مين الكسبان؟ السؤال التاني مين الخسران اللي كانت تركيا بالنسباله سند مين اللي كان بيعتبر تركيا هي الخلافة والخليفة؟ مين الدولة اللي قدرت تحاسب على وحدتها واحترام ارادتها النهاردة بعد كل هذه السنوات الطويلة اللي شفنا فيها حاجات صعبة كتير".
