مصطفى بكرى: مصر مستهدفة من تحالف بين قوى تآمرية
طالب الإعلامي مصطفى بكري؛ بمحاكمة أعضاء جماعة الإخوان الإرهابية الهاربين خارج البلاد، مشيرا إلى أنهم يسعون إلى تدمير الدولة وهدمها.
وقال بكري خلال برنامج "حقائق وأسرار" المذاع على قناة "صدى البلد": "سمعتوا اللي بيطلعوا كل ليلة يكلمونا عن التحليلات وعن الواقع المر اللي بيعيشه الشعب المصري ومحاولة تلفيق معلومات مغلوطة عشان يدفع الناس لكراهية النظام وتأجيج الفتنة في البلد".
وأضاف: "أي مواطن مصري وطني لما بسمع ده يقول ايه أي ضابط شرطة أو جيش أو مقاتل لما يسمع الكلام ده يقول ايه؛ فين منظمات حقوق الإنسان المحلية والإقليمية فين الناس اللي بيتملوا من الخارج وبيدعوا أنهم بيتباكوا على حقوق الإنسان".
وتابع: "فينك يا أمريكا ياللي كل يوم والتاني بتخصم من المعونة الأمريكية لأن ملف حقوق الإنسان في مصر حوله علامات استفهام وأن السجون في مصر رغم التطور الكبير اللي شفناه أنها أصبحت قذرة ويمارس فيها كذا وكذا وكذا".
وواصل: "فين مصداقيتهم وفين شعاراتكم اللي بتدغدوا بيها عواطف الناس فين ادعائتكم والكذب على مصر لما تسمعوا ناس بتتكلم بهذه الطريقة لما بتشوفوا ناس بتحرض على قتل ضباطنا وقضاتنا فين العالم؟ دول لازم يجيوا من برة متكتفين بالسلاسل ويحاكموا هنا؛ محاكمة القتلة اللي بيحرضوا على القتل دول شركاء في الإرهاب".
وأكمل: "الناس دي حرضت على القتل واستباحت دماء كثيرة كم مجرم في الداخل سمع الكلام ده ونفذه وكل الدماء معلقة في رقاب الخونة اللي كل يوم يفتحوا فضائية جديدة عشان يحرضوا على البلد ويدعوا بالأكاذيب ويشككوا في النهضة اللي حصلت في مصر خلال الفترة الماضية وعشن يستغلوا حالة الاحتقان نتيجة الأزمة الاقتصادية من اجل احداث خلخلة في المجتمع".
وواصل: "أنسي وخلي حد ينزل لأن إحنا عارفين مين اللي عايزين ينزلوا؛ المتأمرين لكن الشعب المصري عارف أن في قيادة وطنية أنقذته من حالة كادت تؤدي بالبلاد إلى نفق مظلم وحرب أهلية".
واختتم: "أوعوا يخيل عليكم هذه المعلومات الكاذبة من أناس ينطقون كلام الأفك وكلامهم مسموم وهدفهم هو الوطن؛ دي ناس بتكره البلد مبتحباش يا فيها يا اخفيها يا أنتم ياحنا عشان كدة بعضهم هربوا برة وسلموا نفسهم لواحد انجليزي مخابرات بيحركهم زي ما هو عايز ودا يؤكد أن في تحالف بين قوى تأمرية على هذا البلد ولازم نعرف أن مصر مستهدفة".
