أحمد موسى يعرض تسريبًا صوتيًا للإرهابي بهجت صابر يكشف مخطط دعوات التظاهر

عرض الإعلامي أحمد موسى؛ تسريبا صوتيا للإرهابي بهجت صابر المقيم في الولايات المتحدة يوضح خلاله أهداف دعوات جماعة الإخوان من الدعوة للتظاهرات.

وأوضح موسى خلال برنامج "على مسؤوليتي" المذاع على قناة "صدى البلد": "دايما تلاقي جماعة الإخوان الإرهابية وعناصرها تقولك أحنا مش عايزين نحكم؛ في إرهابي اسمه بهجت صابر عايش في أمريكا وبيقول أنا مش إخواني؛ هسمعك وهو بيتكلم هما عايزين إيه من هذه الدعوات".

وأضاف: "بيستهدفوا الجيش والشرطة والقضاء؛ هو حضرتك فاكر 25 يناير لما الناس نزلت الأخوان ولعوا في البلد وخربوا البلد اللي حصل قبل كدة بيكرروه تاني نفس الخطة ولكن بطريقة أشرس".

وتابع: "الإرهابي بهجت صابر بيتكلم عن خطة الفوضى حضرتك اسمعها يا مواطن عشان تبقى عارف هما الأخوان ودعواتهم هدفها اصلاح مصر والا تدمير البلد؟ اسمع وركز لو سمحت اسمعوا وشوفوا هما عايزين ايه من بلدنا؛ اسمع عشان تعرف الحقيقة".

وقال الإرهابي بهجت صابر خلال التسريب الصوتي: "اهداف الثورة بتاعتنا؛ الهدف اسقاط المؤسسة العسكرية بالأسانيد اللي حواليها الشرطة والقضاء؛ البلد بتضيع طيب ما تضيع البلد".

وأشار موسى إلى أن الجماعة الإرهابية لا تهتم بالمواطن المصري على الإطلاق مضيفا: "سمعتوا؟ الهدف اسقاط المؤسسة العسكرية يعني مفيش بلد؛ الاخوان خونة أوطان ما تضيع البلد؟ هو عنده هدف اسقاط المؤسسة العسكرية والشرطة والقضاء وهما حاولوا ولكن منجحوش شوف المجرم بهجت صابر اللي عايش في أمريكا بيتكلم ازاي".

وأكمل: "حضرتك كمواطن تفكر هما ليه بيقولوا كدة؛ دا بيكلمك وش كدة بيقولك الجيش؛ اسقاط المؤسسة العسكرية بشكل واضح؛ هذا الإرهابي عنده مليشيات مسلحة وقاعد في أمريكا؛ وأنا بقول لأصدقائنا في أمريكا قاعد عندك في أمريكا وبيتكلم على السلاح والعمليات الإرهابية".

وواصل: "مستشارة في السفارة الأمريكية قالتلي بنتابع هذا البرنامج وكل كلمة بنترجمها وأنا بقولها عندكم ارهابين أهو وأدي واحد إرهابي بيتكلم على سلاح وعمليات إرهابية؛ أشوف الأمريكان والأمريكان يقولولنا الكيل بعشر مكاييل والا بمكيالين والا العدالة؟ إرهابي قاعد في نيويورك بيتكلم عن عمليات إرهابية وبيتكلم عن هدم مؤسسات الدولة وبيتكلم عن فوضى وإرهاب بشكل واضح".