بعد تدخل رضوى الشربينى.. القصة الكاملة لأزمة التحرش بفتاة «الزائدة»
عادت الإعلامية رضوى الشربينى إلى تصدر التريند من جديد، وذلك عقب ظهورها فى فيديو لايف مع الفتاة التى تعرضت للتحرش أثناء إجراءها عملية الزائدة.
القصة الكاملة لأزمة التحرش بفتاة «الزائدة»
قالت رضوى فى الفيديو:« من يومين لقيت ناس كتير بتعملي إشارة على البوست بتاع بنت إسمها ياسمين، وياسمين كانت عندها مشكلة صحية أدت لإدخالها المستشفى، وهي دخلت المستشفى بتشخيص غلط، قالولها أنتي كويسة اتكلي على الله ودا بعد ما عملت التحاليل اللازمة».
وأضافت: «في دكتور كتر ألف خيره، بص على الإشاعات والتحاليل بتاعتها وطلبها تيجي تاني للمستشفى، دخلت المستشفى وكانت للأسف الشديد الزايدة عندها إنفجرت والدكتور عملها العملية، وبعد ما عملت العملية تفاجأت إنه الممرض اللى موجود راجل مش بنت، وطلبت من المستشفى إنه يتغير وتجيب ممرضة بنت، وللأسف المستشفى مسمعتش كلامها وماركزتش».
وسردت الفتاة التى تعرضت للتحرش الواقعة كاملة قائلة: « خلال اليومين اللي قعدتهم في المستشفى طلبت من الممرض إني أدخل الحمام، والممرض جابلي قطعة أقضي حاجتي فيها، والممرض قام ورفع الغطا وقعد يركب القطعة وهو شاف جسمي، وأنا وافقت لأنه أقنعني لو معملتهاش ممكن أعملها على نفسي وهيصعب التغير عليا وعلى الجرح، والممرضة جت على صوتي وأنا بعيط ولما كشفت عليا قالتلي القطعة دي مش مخصصة للبنات، وبتاعة البنات مش لازم الوحدة تكشف عن جسمها فيها، فطلبت التغيير، وقالوا مفيش بديل».
وفى نهاية حديثها فى الفيديو قالت رضوى الشربينى: «ياسمين بلغت إدارة المستشفى وبعديها طلبت إنه ميدخلش الغرفة، وعملت محضر بحقه، وتم التحفظ على الممرض، وللأسف لم يتم إنصافها من قبل المحامي، وبالتالي الممرض مخدش حكم وطلع، ودلوقتي هو بقول إنه هيرفع عليها قضية تشهير».
