عمرو أديب: محافظ البنك المركزي الجديد لن يوفر الدولار في يوم وليلة

أكد الإعلامي عمرو أديب؛ أن السيد حسن عبد الله؛ محافظ البنك المركزي الجديد لن يوفر الدولار في يوم وليلة ولن يحل مشاكل الاقتصاد على الفور.

وقال أديب خلال برنامج "الحكاية" المذاع على قناة "أم بي سي مصر": "بتتعمل إجراءات من شأنها نعدي الأزمة؛ في ناس كتيرة مش عايزها تبص لمحافظ البنك المركزي أنه في يوم وليلة الدولار يبقي متوافر والأسعار تقل".

وأضاف: "اللي يحدث نوع من أنواع التوزان؛ النظرية بتقول أنا لو فتحتلك الدنيا عشان اللي عايز يستورد مستلزمات انتاج ورجعتلك الحياة تستورد النظرية بتقول إن الضغط هيزيد على الدولار والسعر يزيد".

وتابع: "شغلة محافظ البنك المركزي الشاطر ايه؟ أن الدولار ممكن يزيد منه بس في نفس الوقت يمشي الحياة الاقتصادية؛ في ناس كتير بتدور على دولار في السوق السوداء؛ اللي بيجرا دة بيحط ضغط على الدولار".

وأكمل: "الشطارة أنك تحافظ على المصانع والعمالة وتخلي هناك تجارة وتكمل عملية البناء وفي نفس الوقت الدولار ميضربش منك وهناك يجي دور البنك المركزي ومن معه والسوق النهاردة كله قاعد مستني أديني دولارتي وهتقدر تديني قد ايه ولغاية أمتي".