«الزّن أمر من السحر».. القصة الكاملة لـ خلاف زوجة شريف منير مع بناتها
تصدرت لورا عماد زوجة الفنان شريف منير محركات البحث على جوجل، وذلك بسبب الخلاف بينها وبين بناتها فريدة وكاميليا.
وتبادلت لورا عماد وبناتها الكومنتات عبر الصفحة الرسمية لها على "انستجرام" التي كشفت عن الخلاف بينهم.
ووجهت لورا عماد زوجة الفنان شريف منير رسالة إلى بناتها عبر حسابها الرسمي على "انستجرام" قادتها لتصدر "تريند" محرك البحث الشهير "جوجل" خلال الساعات الماضية.
وفي التفاصيل، كتبت لورا:«رسالة إلي بناتي فريدة وكاميليا بما إنكم خلاص قررتوا تبقوا مش في حياتي بعد ما ادتكم عمري وصحتي وحبي و اهتمامي و ضحيت عشانكم كتير! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي».
وأضافت :«بقولكم مبروك عليكم عيلتكم الجديدة! وحقولكم حاجة واحدة بس! اللي مالوش خير في امه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود و كبير قادر علي اللي عمل فيكم كدة انه يرده ليه في يوم من الأيام! مامي لورا يمكن تكونوا نسيتوا اسمي».
ردت فريدة ابنة الفنان شريف منير على والدتها من خلال الكومنتات حيث قالت لها:«ليه بتعملى كده؟ وليه بتخلى شكلنا كده أدام الناس؟»
وردت عليها والدتها لورا عماد قائلة لها: «انتوا بتموتوني كل يوم.. وانتي عارفة كده كويس.. ربنا يهديكي.. صحيح الزّن على الودان أمر من السحر».
بينما ردت ابنتها كاميليا قائلة لها عبر تعليقات انستجرام: «عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده».
وردت عليها والدتها قائلة: «انتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم».
