«مش ناقصينك».. منى مينا ترد على ميدو بعد هجومه على الأطباء
هاجمت الدكتورة منى مينا، وكيلة نقابة الأطباء السابقة، أحمد حسام ميدو لاعب الزمالك السابق بعد هجومه على أطباء مصر.
وكان الإعلامي أحمد حسام ميدو، القطاع الطبي في مصر، مشيرا إلى أن المستشفيات رفضت استقبال والد زوجته لعدم وجود أطباء بسبب إجازة العيد، واصفا الأمر بـ«المهزلة».
وردت منى مينا في منشور عبر صفحتها الرسمية «فيس بوك»: «عدة ساعات أفكر فيها ماذا أكتب ردا على كابتن ميدو لاعب الكرة المعتزل و هجومه العجيب جدا على أطباء مصر، كابتن ميدو بحث لحماه عن مستشفى فلم تستقبله أي مستشفى والسبب، كما يقول، عدم وجود دكاترة ! فقرر الكابتن صب الغضب على الدكاترة واصفا أغلبهم بانعدام الضمير».
وأضافت: «أين الدكاترة يا كابتن ميدو ؟.. اركب الطيارة يا ميدو و روح إنجلترا اللي عشت فيها كتير وشوف كام طبيب مصري شاب هناك، وكام واحد وصل لدرجة استشاري في مصر ثم قبل أن يترك بلده ليبدأ المشوار من جديد في مكان آخر واسأله: أين الدكاترة ؟.. اركب الطيارة يا ميدو وسافر أي دولة خليجية هتلاقى نفسك بمجرد دخولك أى مستشفى بتسمع اللهجة المصرية وكإنك فى أحدى حوارى مصر، اسأل من تقابله هناك: أين الدكاترة ؟».
وتابعت: «الدكاترة بتصيف!! لأ يا كابتن ميدو لا تقلق، أغلب الدكاترة، أو عموم الدكاترة، مش بتصيف لأن دخلهم الرسمى لا يكفى لحجز يوم واحد فقط في أى مصيف، فلا تقلق .. الدكاترة مش بتبلبط فى المياه و لا حاجة زيك».
وقالت: «لماذا لم تذهب يا كابتن لمستشفى حكومى؟ ألست مواطن مصرى شريف تدفع الضرائب، لماذا لا تجرب الاستمتاع بخدمات الدولة الصحية ؟ تعالى يا كابتن اتصل بيا وانا اوريك الدكاترة الصغيرين السهرانين فى الطوارئ والحوادث فى كل مكان وشوف بياكلوا أيه و قاعدين فى اماكن امكاناتها أيه وهتعرف انهم حرفيا بيصرفوا على المهنة دى».
وأكملت: «يا كابتن ميدو أحب أفهمك نقطة مهمة: دور الطبيب هو تعلم المهنة و اتقانها و تقديم خدمته بما يرضى الله وبأحدث ما تعلم وتوفر له من إمكانات.. دوره التعلم و التشخيص والعلاج.. أما (الخدمة الصحية) عموما فهى مسئولية الدولة وليست مسئولية الأفراد، وخدمات الطوارئ بالذات فى رأس مهام الدولة لأنه لا يوجد فرد يستطيع أدارة منظومة طوارئ بمفرده، على فكرة العمل الخاص عموما ده اختيار مش اجبار واكيد لو انت جربت اللى بيحصل مع الدكاترة فى الطوارئ والاستقبال كل يوم هتعرف لماذا هربوا».
واختتمت منى مينا منشورها بالقول: «الخدمة الصحية سيئة فى مصر؟ أيوة يا كابتن هى سيئة لكن نفس الدكاترة اللى مش عاجبينك مشغلين عشرات المستشفيات فى بلاد كتير يعنى المشكلة مش فيهم، خليك يا كابتن فى اليخت بتاعك والمصيف والبرنامج والماتشات وسيب الدكاترة فى حالهم لأنهم مش ناقصينك».
