«فرح» تجسد ضغوط الحياة في مشروع تخرج: التنفيذ استغرق شهرين
تداولت صفحات السوشيال ميديا صور مشروعها وأعجب العديد من رواد مواقع التواصل الاجتماعى بفنها فى مشروع تخرج هى الطالبة فرح التركى طالبة الفنون الجميلة بجامعة المنصورة.
يعبر مشروع تخرجها عن ضغوطات الحياة، تقول فرح لـ"الرئيس نيوز": «المشروع معمول على مساحة 3 أمتار في مترين ونصف واستغرق تنفيذه شهرين».
وأضافت: «مشروع تخرجى يتحدث عن مشاعر البشر أمام ضغوطات الحياة، العمل فكرته كلها في الوشوش بملامحها وانفاعلاتها ووضعيات الأجسام والتشريح علشان ده اللي هيخلي المشاهد يحس بالمشاعر اللي أنا نفسي أنه يحسها لأننا في يوم من الأيام كلنا أكيد كان جوانا نفس الحالة دي».
تستكمل: «أما بالنسبة لتكوين العمل فهو شكل تقليدى ومتكرر في فنون الرومان والعصور الوسطي والنهضة وموجود بأكتر من طريقة».
واختتمت: «الجديد والمخلتف وهو صلب الموضوع اللي هي تعبيرات ووضعيات وأجسام البشر اللي موجودة في العمل وده اللي خد أكبر وقت مني في دراسة كل خط فيه حرفيا رايح وجي منين ووضعية كل جسم والتعبير اللي هيبقى على وشه والانفعال اللي هيديه للمشاهد».
