عاجل.. "أمعاء علاء عبد الفتاح" تشعل معركة بين الحقوقيين
بين نفي الداخلية وادعاءات عائلة علاء عبد الفتاح أن إضرابه عن الطعام تخطى يومه والتسعين، اندلعت معركة بين حقوقين على مواقع التواصل للمطالبة بتحسين أوضاعه.
تفاصيل معركة الحقوقين على مواقع التواصل الاجتماعي بسبب إضراب علاء عبد الفتاح
ويقضي علاء عد الفتاح عقوبة بعد الحكم عليه بالسجن 5 سنوات في ديسمبر الماضي بعد إدانته من قبل محكمة أمن الدولة العليا طوارىء بـ"نشر أخبار كاذبة تهدد الأمن القومي" .
وهاجمت أسرة علاء عبد الفتاح، طارق العوضي العضو في لجنة العفو الرئاسي، واتهمته بإنكار دخول الناشط السياسي في إضراب عام، حيث قال إنه لا يصح علميًا الإضراب كل هذه المدة لأنه خطر على جسم الإنسان ووظائفه الحيوية.
ورد العوضي على الاتهامات الموجهة إليه قائلا: الصحفية اللي عملت الحوار قالت نصا إنه مش إضراب كلي!! قلت لها مش فاهم قالت إنه بياخد سعرات حرارية زبادي وعسل قلت لها أنا كنت معتقل وعملت إضراب عن الطعام مفيهوش زبادي ولا عسل".
وأَضاف: "عندك 3 مواقع (أجنبية) وبعدين أنا ما أنكرتش الإضراب أنا قلت أنا مش مصدق إن حد مضرب بقاله 90 يوم يعني 3 شهور وقادر يتريض!!! لو عند حضرتك دراسة واحدة بتقول إن واحد 3 شهور بدون أكل يقدر يخرج يتمشى أنا هعتذر فورًا لأن الموضوع يخضع للعلم وليس وجهات النظر".
وقالت عايدة سيف الدولة الناشطة الحقوقية وإحدى مؤسسات مركز النديم لتأهيل ضحايا العنف والتعذيب: "طارق العوضي مؤذي أكتر بكتير -في رأيي- محسوب ع المعارضة أصحاب كتير له بيتجنبوا التصدي لمواقفه المؤذية في العلن، وهو بيكمل زي البلدورز وهو مش مهتم أصلا إن جهله وتدليسه ضرره قد إيه على معتقلين، ماعندوش قدرة على الاعتذار ولا إنه يفرمل نفسه وفعلا مش فارق معاه يؤذي ويفعص ويشكك في ناس عالماشي، كل ده وه بيتعامل بتعالي ومنتظر تقدير وتهليل على أي حاجة بيعملها حتى الأذية المتعمدة المباشرة! - حد شاركني الصورة دي، عشان بس نبقى فاهمين أنه شايف التشكيك في إضراب معتقل بيواجه كل الانتهاكات دي هو معتبره تفاهات هو أهم من التعامل مع نتايجها أو مراجعة نفسه".
وهاجمت ليلى سويف، والدة الناشط علاء عبد الفتاح، طارق العوضي قائلة: "إيه المشترك ما بين عصام شيحة عضو المجلس القومي وطارق العوضي المحامي العضو في لجنة العفو. الاتنين مش مصدقين أن علاء عبدالفتاح مضرب عن الطعام".
وأضافت: عصام شيحة بمنتهى الثقة قال إن علاء مش ممكن يكون مضرب عن الطعام لمدة 66 يوم ولسه عايش؟ وطارق العوضي بيقول إنه مش ممكن يكون حد مضرب كل ده ويبقى قادر يتريض، لكن محدش من الاتنين قدر يشوف علاء علشان يتأكد إذا كان فعلا مضرب ولا لأ وإذا كان مضرب حالته الصحية وصلت لفين، ومحدش من الاتنين شعر بدرجة كافية من القلق على علاء في حالة أنه كان صادق فأصر على زيارته.
وتابعت: يبدو أن المشترك كمان إن محدش فيهم يعرف حاجة عن حقوق السجناء عموما وحقوق السجناء المضربين بشكل خاص ولا قرأ حاجة عن السجناء المضربين في مصر في الماضي القريب أو في بلاد تانية أقربها فلسطين حاليا، المشترك كمان إن محدش فيهم يعرف علاء! ربنا يقويك يا علاء ويقوي ليلى ومنى وسناء وكل حبايبك وأصحابك".
كانت وزارة الداخلية أكدت تسليم النيابة العامة مقاطع مصورة داخل زنزانة المحكوم عليه علاء عبد الفتاح، والتي تثبت عدم صحة الإدعاء بإضرابه عن الطعام، وكذا عدم صحة الادعاء بعدم السماح له بدخول الكتب لمحبسه.
جدير بالذكر أن وزارة الداخلية قد استجابت في وقت سابق، لطلب المجلس القومي لحقوق الإنسان لنقل المحكوم عليه، علاء عبدالفتاح لمركز الإصلاح والتأهيل بوادي النطرون.
كما كشفت المتابعة الأمنية عن عدم صحة إضراب المحكوم عليه علاء عبدالفتاح، عن الطعام، كما أنه يتلقى كافة وجباته المنصرفة له بمركز الإصلاح والتأهيل واستخدام مقصف المركز.
