إبراهيم عيسى عن إنتاج خبز من البطاطا: "عجز وفشل"
علق الإعلامي إبراهيم عيسى؛ عن التصريحات المتداولة عن
إمكانية إضافة البطاطا إلى القمح من أجل انتاج الخبز المدعم لتوفير كميات القمح
التي يستهلكها الشعب المصري.
وقال عيسى خلال برنامج "حديث القاهرة" المذاع
على قناة "القاهرة والناس": "تصريحات وزير التموين عن أنه هنستغني
عن جزء من مكونات القمح في العيش وهنعملها بالبطاطا أصل في دراسة قالت إن ممكن
نوفر مليون طن قمح من إنتاج الخبز من البطاطا".
وأضاف: "بمناسبة القمح احنا لا عرفنا أنتجنا كام
ولا أتوردلنا كام؛ لا عرفنا وزير الزراعة كان على حق وصدق ورئيس الوزراء الكلام
اللي قاله صحيح معرفناش".
وتابع: "احنا وعدنا بأرقام ولكن محدش حاسبنا ايه اللي
حصل؛ أحنا معكم أحنا الشعب المصري على فكرة؛ محتاجين نعرف والبرلمان نفسه مسألش
ليه؟ يا سيادة وزير الزراعة اتوردلكم 10 مليون طن زي ما قلتوا".
وأكمل: "نزيد الطين بلة ونقول هنغير رغيف العيش ونحط
فيه بطاطا؛ كل شعوب الدنيا ليه نوع معين من الخبز اعتادته من ألاف السنين ومينفعش
تغيره".
وواصل: "مينفعش تقول لليابانيين هنعمل رز من القصب؛
اعتادنا على أكل الخبز القمحي من ألاف السنين؛ حضرتك مين عشان تغير الخبز بتاعي"
مضيفت: "بيقولك وفروا فأن تقوم تغيرهولي؛ وزير التموين في فترته الوزارية
الأولى كان بيقول أن المصريين محبوش الدرة مع القمح في العيش فأن جاي دلوقتي تأكلنا
بطاطا".
وأكمل: "بعد التصريح دة تكتشف أننا بنزرع 450 ألف
طن بطاطا وعشان نعمل دة محتاجين 4 مليون طن بطاطا ثم تكتشف أن دي دراسة لحد دكتور
مخدش بيها أي اعتمادات ولا مركز البحوث الزراعية قالها ولا وزارة التموين اعتمدتها
ولا في أي جهة في مصر بصت فيها أصلا".
واختتم: "تلاقيها مخبز فرن بلدي رجل هاوي لطيف في
الوادي الجديد والمحافظ عدي عليه قاله حاجة لطيفة ما نشوفها وفجأة بقي تصريح عند
وزير التموين وكلام أن أحنا بطاطا؛ بطاطا أيه يا دكتور؟ مفيش داعي للعجلة في التنفيذ والحماس وهنوفر
وهنعمل؛ تغيير خبز المصريين دة نتيجة عجز وفشل متقدمش نفسك كعاجز فاشل عن توفير
وزارة التموين لعيش التموين لمصر".
