اعترافات قاتل نيرة أشرف: شغلي طباخ علمني استخدام السكاكين
روى الإعلامي عمرو أديب جزء من تحقيقات النيابة مع قاتل
الطالبة نيرة أشرف؛ لافتا أنه كان يخطط للجريمة منذ رمضان الماضي.
وقال أديب خلال برنامج "الحكاية" المذاع على
قناة "أم بي سي مصر": "هقرالكو شوية من اعترافات الشاب اللي قتل
نيرة عشان تعرف الشاب دة كان بيفكر ازاي؛ تكتشف أنه كان عايز يقتلها في رمضان اللي
فات في رمضان".
وأضاف: "بيقوله وكيف أعدت لمخططك وما هو عدتك
لتنفيذه؛ قاله أنا فكرت أن أخلص عليها في تالت يوم امتحان ليها وأني هنفذ قتلها
بسكينة؛ دا من أول جملة كدة اللي بيسموه مع سبق الإسرار والترصد".
وتابع: "ولماذا استقر اختيارك على استخدام سلاح
أبيض – سكين لتنفيذ مخططك؟ قال عشان دة اللي يناسبني وأنا شغال طباخ وبعرف استخدم السكاكين
كويس؛ وهل كنت على علم أن السلاح الأبيض سلاحا بطبيعته قاتل؟ السيد وكيل النيابة
بيسأل الأسئلة الصح".
وأوضح: "المتهم قال أنا عارف أن السكينة الحامية
ممكن تدبح وأنا بستخدمها في شغلي؛ وسأله هل أنت على علم بالمواضع القاتلة في جسم
الإنسان؟ قاله أيوه؛ وسأله ما هي المواضع تحديدا؟ قاله الرقبة والصدر من ناحية
القلب والفخد والطعن بالسلاح".
وأكمل: "متى قمت بأعداد السلاح الأبيض المستخدم
بالواقعة؟ أنا اشتريته بعد أول امتحان بأسبوع وكانت الامتحانات بتاريخ 26-5-2022 وانا
أشتريتها في 1-6-2022".
وواصل: "وما هي مواصفات السلاح الذي قمت بشرائه؟
قاله دا سلاح السكين وهو مسنون؛ وحافظت عليه في جراب عشان يكون سنه حاد ويساعد في
التنفيذ؛ عشان الناس اللي بتقولك ايش عرفنا؛ جايز كان شايل السكنية؛ أنتوا عارفين
الواحد مننا بيبقي شايل دايما السكن بتاعه وحطه في الجراب".
وواصل أديب نقلا عن أقول المتهم: "قلت أنا لازم
أخلص عليها ونزلت في 20-6-2022 وركبت الأتوبيس وكانت قاعدة مع زمايلها ولما شفتها
قلت دي فرصة أن أريح نفسي وأخلص منها وهي نازلة من الباص وأول ما نزلنا هي كانت
سبقاني وأنا نزلت وكل اللي فدماغي أروح أخلص عليها وأول ما قربت منها طلعت السكينة
وشفيت غليلي منها".
واختتم: "وفي ناس قربوا مني عشان يحشوني عنها أنا
هوشتهم بالسكينة وقلتلهم محدش يقرب مني عشان محدش يقدر يخلصها من أيدي لحد ما خلصت
عليها خالص وساعتها واحد ماسكني من ضهري وشالوني بعيد عنها".
