أديب عن إجبار طفل على خلع قميص الأهلي في اختبارات الإسماعيلي: قلبي اتقطع
علق الإعلامي عمرو أديب؛ على اجبار أحد مسؤولي النادي
الإسماعيلي لطفل على خلع قميص النادي الأهلي قبل دخول اختبارات الناشئين بالنادي.
وقال أديب خلال برنامج "الحكاية" المذاع على
قناة "أم بي سي مصر": "كان بقالنا أسبوعين بنتكلم عن الرياضة في
مصر وليه الرياضة بعافية والمواهب أخبارها أيه ويأتي حادث فردي ممكن مكانش حد
ينتبه ليه ألا لو تم رفعه على السوشيال ميديا".
وأضاف: "طفل صغير رايح يعمل اختبار في النادي
الإسماعيلي وداخل ولابس فانلة الأهلي متعرفش بيجب الأهلي دي الفانلة اللي لاقاها
أيا كان".
وتابع: "المؤسف في الأمر أن الفيديو مؤلم والطفل
طبعا ميتحملش؛ هو ملوش ذنب هو جاي لابس فانلة أي نادي؛ أنا زملكاوي ولكن قلبي
أتقطع لما الواد قلع الفانلة".
وأوضح: "طبعا أنا احترمت أن رموز كبيرة في نادي
الإسماعيلي على طول اتحركوا زي الكابتن حسنى عبد ربه ولقيت الكابتن القماش نفس
الشيء؛ نادي الإسماعيلي تربوي وممكن يكون دة تصرف فردي".
وأكمل: "حركة زي دي يا تنهي موهبة لاعيب يا تخلص
على شبل؛ العامل دة مسؤول أمن مش مسؤول في النادي وأرجو بس أنت احنا نرجع تاني؛
أحنا دول قايمة على الموهبة؛ أي لاعب عظيم في مصر هو موهبة وليس قائم على صناعة؛
أنت بتتكلم على مواهب ربنا ميسرلها حاجة".
واختتم: "أنا بقول بصراحة لو الولد دة عايز يلعب في
الأهلي ياريت الأهلي ياخده ويدخل الاختبارات لو كويس الولد لابس فانلة الأهلي
وحابب الأهلي أنا بناشد كابتن بيبو ان الأهلي يخده".
