عمرو أديب عن تجنيس الشوربجي: "ماعملش حاجة غلط"
علق الإعلامي عمرو
أديب على تجنيس بطل الاسكواش المصري محمد الشوربجي وقراره بالتوقف عن تمثيل مصر
والمشاركة في البطولات المقبلة تحت العلم الإنجليزي.
وقال أديب خلال
برنامج "الحكاية" المذاع على قناة "أم بي سي مصر": "الكلام
اللي هقوله دا هيدايق ناس كتير ولكن دا رأيي في قضية محمد الشوربجي لاعب الاسكواش
المصري العالمي اللي قرر يمثل إنجلترا".
وأضاف: "أنا
مش شايف أنه عمل حاجة غلط الراجل دة قضي نص حياته في إنجلترا اعدادي ثانوي جامعة أن
كنت بتستدعيه يلعب باسم مصر إنما هو الراجل دة تربيته وتغذته وتدريبه كل حاجة كانت
في إنجلترا".
وتابع: "الراجل
دفع التمن أعاد لمصر حقوق الجنسية اللي في رقبته بطولات وبطل عالم قالبين على
الراجل الدنيا ليه ربنا معاه؛ وبعدين هو أنت هينفع تلعب واحد غصب عنه؟ عشان ألعب
وادي لازم أحس أني بلعب لحد".
وأوضح: "عايز
الحق يعني أنت معملتلوش حاجة عشان تقوله أكلتك وشربتك؛ الراجل بعد السنين خد
الجنسية الإنجليزية مالي أراكم غضبانين وأنت عندك كل يوم دكاترة ومهندسين وخبراء
وعلماء بيسافروا برة ولا حد بيقولهم أنتوا فين اشمعني الراجل دة يعني".
وأكمل: "قلت
لما نشوف ماذا قدم اتحاد الاسكواش المصري لمحمد الشوربجي قالك الاتحاد بيقدم لمحمد
الشوربجي المساعدات المالية المنصوص عليها في قوانيين وزارة الشباب وطبعا عارفين
الأرقام دي ايه وقالك بنقف جنبيه لما بيعوز حاجة".
واختتم: "قالك
مرة في هونج كونج الباسبور بتاعه ضاع واحنا طلعلناله الباسبور ووقفنا جنيه؛ أنت
عملت أية لمحمد الشوربجي أية الشيء العظيم يعني".
