عمرو أديب عن تسريبات "الاختيار": "الإخوان مكانش ليهم حليف"

علق الإعلامي عمرو أديب؛ على التسريبات المتتالية والتي تذاع ضمن مسلسل الاختيار؛ لافتا أن جماعة الإخوان لم يكن لها أي حلفاء خلال فترة حكمها لمصر.

وقال أديب خلال برنامج "الحكاية" المذاع على قناة "أم بي سي مصر": "أهم تكشف بالنسبالي من التكشفات في مسلسل الاختيار؛ أنا ناوي أعمل كتاب أقول على اللي شوفته وسمعته في هذه الفترة وفي ملايين عملوا اللي حصل في 30 يونيو وفي ناس كانوا تحت السرير وكانوا يدعونا ننزل معاهم تحت السرير".

وأضاف: "المفاجئ بالنسبالي وأنا كنت موجود وبنشوف وبنسمع؛ أن في ناس أنا كنت متخيل أنهم مع الاخوان؛ الاختيار أكدلي أن الإخوان لم يكن لهم حليف ولا صديق وهما مش بوشين دول بميت وش".

وأضاف: "عبد المنعم أبو الفتوح واضح أنهم بيكرهوه عمى؛ والأهم اللي كان مفاجأة بالنسبالي حازم أبو إسماعيل؛ دا كان دايما حازمون دة حبيبهم".

وتابع: "بلاش دول كلهم؛ الدكتور أيمن نور واللي جابوه في القعدة الشهيرة الفضيحة بتاعة إثيوبيا؛ تسمع مرسي وهو بيتكلم عن أيمن نور؛ تعرف من كل دة أن الإخوانجي لم يكن له حليف إلا الإخوانجي".

واختتم: "الكتل اللي جوة الإخوان ليست لهم حليف؛ الناس اللي بتقول خيرت الشاطر كان دوره في المسلسل أنه كان بيملي؛ مرسي كان بصمجي وخيرت كان بيدير كل حاجة من منزله ومحدش كان يقدر يدخل مصر خلال حكم الإخوان إلا لما يعدي على خيرت الشاطر".