جمال العدل عن مصطفى درويش: "مش هشتغل معاه تاني"

أكد المنتج جمال العدل؛ أن وضع أسم مصطفى درويش ثالث أسم بعد نيلي كريم وأسر ياسين في مسلسل 100 وش أمر طبيعي لافتا أنهما يعملان معا منذ 10 سنوات.

وقال العدل في مقابلة مع برنامج "العرافة" المذاع على قناة "المحور": "كان مين يبقى قبله؟ كان نيلي وأسر ياسين وكل العصابة شكل بعض وهو اشتغل معايا من عشر سنوات وكلهم نجحوا الحمد لله والأسامي لا تعنيني".

وعن رأيه في انسحاب درويش من فيلم الملحد بسبب مؤلف العمل إبراهيم عيسى قال العدل: "دا تزيد ملوش معني وحسيت أنه راجل مش لطيف وبايخ وحتى لو عندي رأي ميطلعش بيه كده".

وأضاف: "الطريقة دي فيها تزيد أنا مقبلوش وأنا شفت أنه موقف سخيف ملوش معني؛ وأنا عرفت من السوشيال ميديا؛ وهو حر فيه ولكن أنا بشوف أنه موقف مش لطيف".

وتابع: "بناء عليه أنا زعلان منه يعني ولا تالت ولا خامس أسم؛ هو قال أنا ماضي معاه عقد 3 سنوات؟ أنا عمري ما مضيت مع حد عقد؛ بعد الموقف دة مش هشتغل معاه تاني ألا إذا قدرت أصفاله".