مصطفى درويش يوضح حقيقة هجومه على نقابة الممثلين

نفى الفنان مصطفى درويش؛ أن يكون قد هاجم نقابة الممثلين بسبب حالة الفنان شريف دسوقي وحاجته إلى العلاج في مستشفى على مستوى جيد.

وقال درويش في مقابلة مع برنامج "العرافة" المذاع على قناة "المحور": "الفنانة بدرية طلبة كلمتني وقالتلي يا مصطفى شريف محطوط في مستشفى في الإسكندرية وكلمت النقابة والدكتور أشرف زكي قالي حاضر ومعملش حاجة وأنا مش عارفة أعمل إيه".

وأضاف: "أخدت عربيتي ورحت اسكندرية ورحت المستشفى وسألت هما محتاجين إيه واتكلمت مع مدير المستشفى عايزين فلوس قالوا أه وقلتله الفلوس اهيه وخلاص".

وتابع: "الموقف اللي أنا فيه شريف كان ماشي على رجله وواقف عليها وبعدين قطعوهاله في المستشفى وكلمت بدرية قالتي دكتور أشرف مبيردش عليا والدكتور أشرف قالها أصله مش نقابي وهنحاول ندبرله كدة من جيبنا".

وأكمل: "قابلت أخو شريف وشوف محتاج إيه واتعاملت مع المستشفى وكتبت بوست أن شريف مش نقابي فالنقابة مش هتقف معاه وأني بناشد رئيس الجمهورية".

واختتم: "نزلت البوست أني بناشد رئيس الجمهورية وإعلام المصريين وكلمني الدكتور أشرف وبعتلي رسايل بينه وبين بدرية وأنا بعتله الرسائل اللي بيني وبين بدرية وهو طلب إيصالات المستشفى وبعدين رئاسة الجمهورية بعتوا عربية إسعاف خدوه وطلعوا بيه على القاهرة".