مصطفى درويش: "أنا اسمي بيبيع"

أكد الفنان مصطفى درويش؛ أنه علم من خلال المواقع الالكترونية بأن الفنانة شيرين رضا سخرت منه خلال إحدى المقابلات التلفزيونية.

وقال درويش في مقابلة مع برنامج "العرافة" المذاع على قناة "المحور": "سألت ايه اللي اتقال في المقابلة وعرفت أنها أتسألت إيه رأيك في انسحاب مصطفى درويش من الملحد؟ هي قالت مين دة معرفوش وهو مقراش الورق وأعتقد أن دوره مش مهم ودا واحد عايز يركب التريند".

وأضاف: "أنا مردتش عليها عشان أركب التريند؛ أنا ركبتها معايا التريند؛ اتكلمت بأدب جدا وقلت في فرق سن بيني وبينها؛ أنا كنت بتفرج عليها وأنا عندي 10 سنين في كليب عمرو دياب؛ وهو أنا عشان قلت إنها أكبر مني سنا يبقي بهينها؟".

وتابع: "أنا كتبت ياجماعة حقها في فرق بيني وبينها سن وربنا يديها الصحة وفي فرق بينها وبينها أجيال ومش هتعرف كل الناس؛ أنا صورت 4 مشاهد أصلا والورق عندي".

وأكمل: "هي فعلا في الفن قبل مني وأكبر مني وخبرة عني والمفروض تطلع تقول أنا متعاملتش معاه قبل كدة وقراره أتسرع فيه وهو مفروض يتريث شوية ومع ذلك أنا قلت كلام عادي جدا ومغلطتش فيها".

وأوضح: "هي قالت باللفظ مصطفى درويش مين أنا معرفوش ودا واحد مقراش الورق ومصورش وعايز يركب التريند؛ كل دة مش عيب؟ والا هو في فئة في المجتمع هي تكلم واحنا مينفعش نقولها لا".

واختتم: "أنا اسمي بيبع؛ عملت ويبقي الأثر إلا أنا مع نجلاء بدر وأعلى نسبة مشاهدات؛ ومعايا مسلسلين في رمضان راجعين يا هوى وسوتس بالعربي وأنا باخد دور رئيسي".