شيرين رضا: "70% من الرجالة والستات غير مؤهلين للإنجاب"

أكدت الفنانة شيرين رضا؛ أن 70% من الناس غير مؤهلين للإنجاب؛ موضحة أنها لا تمنع أحد من إنجاب الأطفال لكن بعض السيدات يعتقدن أن الخلفة تحافظ على وجود زوجها.

وقالت رضا في مقابلة مع برنامج "حبر سري" المذاع على قناة "القاهرة والناس": "مش كل الناس مؤهلة تخلف وأنا محرمتش حد من الخلفة ولكن اللي بيرموا أطفالهم دول هل هما مؤهلين أنهم يخلفوا".

وأضافت: "70% بين الرجالة والستات غير مؤهلين أنهم يخلفوا؛ الست بتفكر أنها بتربط الراجل بالأطفال؛ وكل عيل بيجي برزقه مش دة الكلام المتخلف اللي بنقوله؟ والراجل بيخلف عشان عايز ولد عشان يشيل اسمه اسمك أيه يا حبيبي أنت أما تموت خلال الدنيا هتمشي".

وتابعت: "عندنا أزمة وعي وفي كلام احنا كبرنا عليه متخلف وعمالين بنزيد مش شايفين تنمية وكل عيل بيجي برزقه دي أفكار لازم تتنسف تماما؛ عيل إيه اللي بتيجي برزقه"

واختتمت: "هو أنا طالبة من مولود أن يجبلي رزق؟ عمرنا ما هنحس بكل التنمية الحاجات الحلوة اللي بتحصل لبلدنا طول ما احنا عمالين بنزيد".