عمرو أديب عن منتقدي بيع الشركات لمستثمرين أجانب: أنتوا عايزينا نقعد برة العالم؟
علق الإعلامي عمرو أديب؛ على منتقدي بيع بعض الشركات
المصرية إلى مستثمرين أجانب لافتا أن كافة دول العالم تقوم بهذا الأمر جذبا
للاستثمارات.
وقال أديب خلال برنامج "الحكاية" المذاع على
قناة "أم بي سي مصر": "المصريين عندهم شوية حاجات كدة دخلت في
دماغهم على مدى السنين بقت أساس ولا يمكن تغييرها؛ ولو قتلهم الدول بتعمل كده
يقولك لا ملناش دعوة".
وأضاف: "بقالنا مدة واحنا في أزمات اقتصادية واللي
جدع أوي أنك تعرف تجيب استثمار وأما نيجي نلاقي أن هناك صناديق سيادية عربية جاية
تشتري في مصر نقول لا أنتوا بتبيعوا البلد أنتوا بتبيعوا مصر".
وتابع: "مصر ليست بدعة؛ مصر دولة زي بقيت الدول وهي
الدولة التانية بتعمل ايه؟ ومبقاش في العالم سر؛ مثلا أنا هدي أمثلة؛ بريطانيا درة
التاج البريطاني إيه؟ السكة الحديد ومن شهر لم يعد هناك خطأ انجليزيا ومفيش خط
بتاع الحكومة معندهمش خلاص".
وواصل: "أخر خط أشترته سكة حديد إيطاليا وقبليها
سكة حديد ألمانيا ومن الـ 30 شركة اللي ماسكة السكة الحديد لم يتبقى إلا 6 شركات
انجليزية بالكامل أنما الشركات التانية ألماني أو إيطالي مش السكة الحديد بس؛
التليكوم الدولة سابته والطاقة الدولة سابته".
وأكمل: "رجب طيب أردوغان ودي الكبيرة أوي؛ من 3
سنوات باع للقطريين أهم مصنع دبابات عنده؛ أردوغان باع 50% من مصنع الدبابات اللي
هو درة التاج التركي القطريين بكام شكرا بيع هات الفلوس".
وأوضح: "الراجل لما باع مصنع الدبابات محدش قاله
أنت بعت الوطن بعت الجيش التركي؛ أردوغان في نفس السنة باع 10% من البورصة التركية
للقطريين إيه يا جماعة هو أنتوا عايزين نقعد برة العالم؟ لازم يجي فلوس".
واختتم: "الهند من كام شهر عندهم شركة اسمها تاتا؛
أشتروا إير إنديا؛ اللي هي الهند للطيران زي مصر للطيران كدة ياعميل تبيع الشركة
الوطنية؛ أه باعوا الشركة الوطنية عليها ديون".
