أحمد موسى يعلق على زيادة سعر العيش السياحي: "جشع"

علق الإعلامي أحمد موسى؛ على الزيادة المستمرة في أسعار الخبز السياحي لافتا أن هناك جشع من البعض الذين يقومون بتخزين القمح من أجل تحقيق مكاسب.

وقال موسى خلال برنامج "على مسؤوليتي" المذاع على قناة "صدى البلد": "طبعا في مشكلة لأن في ناس بتخزن الكميات الموجودة على أمل أنه يزيد؛ الجهات الرقابية في الدولة عليها أنها تقوم بالحملات؛ هو حر بس متخبيهوش الفرق بين استيرادك وبيعك بتكسب بنسبة كام".

وأضاف: "في هذه الظروف بقولك أكسب بس مش لازم الجشع؛ لو تسع ألاف ونص خليهم عشرة أنها مش اتناشر؛ احنا معندناش مشكلة قمح؛ القمح الموجود عندنا هيكفينا حتى شهر نوفمبر القادم".

وتابع: "الرغيف المدعم محدش هيقربله؛ محدش هيجي جنب الـ 25 مليون مواطن الأكثر احتياجات زي ما قال وزير التموين والدولة هتدفع الفارق بأي طريقة".

واختتم: "العيش السياحي سعره طالع ودا مواطن بيشتري بردو؛ العيش السياحي زاد والمواطن اللي معاهوش بطاقة تموين هيعمل ايه؟ في زيادة عالمية والأمم المتحدة بتحذر لازم كلنا نتعاون والبلد محتاجة كل واحد مش لازم أن أنا أستفيد من اللي بيحصل دة عشان أكون ثروات".