إبراهيم عيسى يسخر من اتهامات إنكار المعراج: "روحوا لدكتور"

سخر الإعلامي إبراهيم عيسى؛ من الاتهامات الموجهة إليه بإنكار حدوث المعراج لافتا أنه لم يقل ما تردد على لسانة على الإطلاق ومطالبا من اتهموه بزيارة طبيب.

وقال عيسى خلال برنامج "حديث القاهرة" المذاع على قناة "القاهرة والناس": "هرجع تاني وأتكلم في سياق فكرة المعراج؛ هل بالفعل يا حج إبراهيم وأنت حجيت بيت الله؛ هل هناك روايات مختلفة فيما يخص المعراج طبعا ألف في المئة ازاي؟ تعالي أقولك ازاي إذا كانوا عما بيخبوا عنكم وبيتعاملوا معاكم على أنكم العوام".

وأضاف: "تعالوا نقرا ونشوف عشان نعرف هل الراجل دة خرف أو مهرطق أو راجل بيكره الإسلام والا إيه بالظبط؛ دي ساعة الحقيقة الراجل دة طلع بيقول أن كتب التاريخ والتفسير بتقول إن البعض بيقول على المعراج قصة وهمية؛ هو قال أنا مأنكرتش هيقولك أصلة خاف وتراجع وأنا مقلتش من الأول".

وتابع: "أدعوا كل اللي قال إنني ادعيت عدم وجود المعراج أنه يروح لأقرب طبيب أنف وإذن وحنجرة على حسابي؛ لأن الكلام موجود مش سامعها يبقي تروح للدكتور أن قلت موجود في كتب التراث ومقلتش أنا؛ لا أنا مؤمن بده ولا أنا موافق على دة".

واختتم: "المهم يقولك أصل هو تراجع وأنكر ساعة الجد واتهز كل الكلام دة ماشي؛ هو قال إن في روايات مختلفة في كتب التراث عن المعراج ودا موجود".