"إحنا محدش ينيمنا".. عمرو أديب يعلق على تشغيل إثيوبيا أول توربين
أكد الإعلامي عمرو أديب؛ أن الجانب الإثيوبي
لازال يماطل في قضية سد النهضة لافتا أن المفاوضات بالشكل الحالي لن تكون مفيدة
على الإطلاق.
وقال أديب خلال برنامج "الحكاية"
المذاع على قناة "أم بي سي مصر": "امبارح إثيوبيا شغلت أول توربين
ليها في سد النهضة واللي بيتفرجوا على البرنامج على مدى الشهور الماضية قلت لحضراكم
الناس دي مكملة وبتعمل السد والتوربينات بتشتغل؛ امبارح اشتغل التوربين".
وأضاف: "امبارح لقيت ناس بتقول ياراجل
دة توربين واحد وبتاع؛ بكرة يبقوا اتنين وتلاته وأربعة وهو كمان السد دة مكانش موجود
أصلا".
وتابع: " احنا محدش ينيمنا بقالنا عشر
سنين صبر والناس دي لا عهد لها ولا مسك لها وزي ما بيقولوا الناس بتوع الفيزياء
طول ما بنعمل نفس الشيء وتطلع نفس النتيجة هيفضل يدلك نفس النتيجة".
وواصل: "الإثيوبيين أمبارح عملوا احتفال
وقالوا الكلام بتاعهم وفي وسط الكلام يقولك يلا بقي عشان نرجع للمفاوضات وأما
تبعتله الوسيط عشان تكمل المفاوضات يقولك مش هنتكلم في دي ودي".
واختتم: "احنا استنزفنا الموضوع دة ولكن
يجب ان نبدأ في الية جديدة بسرعة فكرة أن الناس هتقعد معانا في اتفاق ملزم يحفظ
حقوقنا بعيدة".
