الديهي يكشف حقيقة الفيديو المتداول لسب الإعلامي عمرو أديب
كشف اللإعلامي نشأت الديهي؛ حقيقة الفيديو
المتداول على وسائل التواصل الاجتماعي والذي يظهر خلاله وهو يقوم بتوجيه السباب
للإعلامي عمرو أديب.
وقال الديهي خلال برنامج "بالورقة
والقلم" المذاع على قناة "تن": "امبارح جايبين مقطع فيديو كدة
لقيت حد كلمني صديق عزيز له خبرة عريضة في المجال قالي في فيديو هبعتهولك شوفوا هو
جديد والا قديم قلتله ابعته".
وأضاف: "فتحت الفيديو لقيت أنا واقف كدة
في نفس المكان دة وشغال عمال أشتم في عمرو أديب؛ اتخضيت ولا عمرى أقول كدة لأي
زميل أن كنا بنتقد بعض أو نختلف بيكون في إطار الأدب الشديد".
وتابع: "لما راجعت الفيديو لقينا أن كنت
بتكلم عن الداعر محمد علي اللي كان بيشتم مصر كنت واقف في المكان دة وجايب
فيديوهات لمحمد علي وبتكلم عليه؛ شالوا كلمة محمد علي قصوها وحطوا كلمة عمرو أديب
لما كنت بتكلم لما حصل حادثة".
وأوضح: "الفيديو بيجري ويتصرف عليه فلوس
ويتمول؛ هو مفيش عقل يفكر؛ أي حد ألف باء هيفهم أنه متركب يعني؛ لكن اللي قاعد
مركز وعمال يجمع ويركب حاجات على بعضها عشان يقول إن بشتم فلان؛ بيعمل نفس الكلام
يجيب ناس يعملوا أن في تعذيب في السجون أو اختفاء قصري".
وأكمل: "شفنا حاجات جاية من سوريا
والعراق وليبيا ويقولك اختفاء قصري؛ وأثبتنا بالدليل القاطع والفيديوهات أن اللي
موجود في سوريا واللي موجود في ليبيا وانا بقول باختصار شديد فزاعة حقوق الانسان
لم تعد تناسبنا".
واختتم: "فكرة الدروس الخصوصية في مجال
حقوق الانسان مرفوضة نحن نرفض إعطاءنا دروس خصوصية في مسألة حقوق الانسان لأنها
مسألة تخص سيادتنا ونحن أدرى بحقوق المواطن المصري".
