أحمد موسى يفتح النار على نجيب ساويرس: "ثروتك زادت 6.5 مليار جنيه"
هاجم الإعلامي أحمد موسى؛ رجل الأعمال نجيب
ساويرس؛ على خلفية تصريحاته لـ فرانس برس" والتي أشار فيها إلى أن الشركات
الحكومية المصرية تمنع المستثمرين من العمل في مصر.
وقال موسى خلال برنامج "على
مسؤوليتي": "المهندس نجيب مع تقديري ليه رجل أعمال ناجح عمل فلوسه من
مصر بيقول أنه مبيشتغلش؛ هوريكم المهندس نجيب ثروته كانت كام في 2014 وبقت كام في
2021".
وأضاف: "المهندس نجيبب بيقولك البلد
والدولة؛ دي البلد اللي حضرتك كسبت فيها؛ أكتر واحد كسب في مصر نجيب ساويرس؛ أنا
راجل مفيش على راسي بطحة ولما بكلم في حاجة عشان بلدي وانا بزعل لما ألاقي تشويه
لبلدي وكلام كذب وغير حقيقي وافتراء".
وتابع: "لازم أزعل ولازم أتكلم الناس
اللي كسبت في مصر تشكر مصر وتقولي قد ايه الفلوس اللي هنا واللي برة ولابد أن
تحترم كل مؤسسات مصر؛ دي بلد ودي دولة فيها مؤسسات عظيمة تحترم من الكل ومحدش أبدا
يكذب على البلد ويروج شائعات ضد مصر؛ المؤسسات اللي شايلة واللي حاملة وتدافع
عننا".
وأكمل: "حد يجرؤ برة يقول على بلده كدة؟
لا عشان ناس تحترم بلادها ومؤسساتها؛ بلاقي كلام عيب أنه يحصل من واحد زي المهندس
نجيب؛ لما أشوف دة ليه؟ وايه السبب؟ أوراسكوم أكبر شركة بتشتغل في مصر ما في مشروع
بنروحه مع الرئيس إلا وأوراسكوم موجودة".
وأوضح: "المهندس نجيب ثروته في مارس
2014 تساوي 2.8 مليار دولار وفي 2021 وصلت ثروته إلى 3.2 مليار دولار يبقي الراجل
دة اشتغل والا لا؛ كسب ولا مكسبش".
وواصل: "400 مليار دولار؛ يعني 6.5
مليار جنيه؛ مين في مصر كسب المبلغ دة في ظل الظروف دي في الفترة دي؛ دا حجم شغل
في شغل والا في منع؛ أنا شغال والا ممنوع أنا شغال ولا بينافسونا".
واختتم: "مفيش حد كسب المبلغ دة في
الفترة دي؛ ليه بنتكلم على بلدنا بهذه الطريقة؟ الدول بتيجي تاخد تجربة مصر وناس
بتكسب مليارات زعلانه مش مبسوطة".
