سيد علي: "الخناقة بين ساويرس وهاني شاكر مفتعلة"
علق الإعلامي سيد علي؛ على الخلاف بين رجل
الأعمال نجيب ساويرس والفنان هاني شاكر نقيب المهن الموسيقية على خلفية قرار منع
مطربي المهرجانات من الغناء.
وقال علي خلال برنامج "حضرة
المواطن" المذاع على قناة "الحدث اليوم": "خناقة مفتعلة بين
ساويرس وهاني شاكر وشوية العيال بتوع المهرجانات اللي صوتهم قبيح جدا".
وأضاف: "أنا الحقيقة بغض النظر؛ كل واحد
حر يقول وجهة نظرة وشائق أن في جدل بيتعمل كدة وحاجة بتشغل الناس من غير المعقول
أن في لحظة من اللحظات أقارن هاني شاكر بأي حد ولكن الكلمة الطيبة صدقة؛ أنا مش
عايز أعلم الناس ولا حاجة".
وتابع: "من ضمن الجدل اللي موجود
الماتشات بتاعة امبارح؛ الزمالك والإسماعيلي والأهلي والمقاولون؛ الحكم صفر وأنهى
المباراة بقت جديدة علينا أننا نقعد وننصب المشانق للحكام؛ وفي خبر طلع من شوية
بأن حكم الفار في مباراة الأهلي والمقاولون تم إيقافه وعصام عبد الفتاح رئيس لجنة
الحكام نفى دة".
واختتم: "الفتن الكبيرة بتبدأ بالحاجات
الصغيرة؛ ساويرس يدخل مع هاني شاكر والاثنين يختلفوا يقولوا كلمتين والموضوع يكبر
أو يتقال أن الحكم دا قابض كل واحد فينا بيقول كلمة مسؤول عنها قدام ربنا".
