شيكابالا يكشف تفاصيل أزمته مع أحمد مجاهد خلال احتفالية الدوري

كشف محمود عبد الرازق شيكابالا؛ لاعب الزمالك؛ تفاصيل المحادثة التي جرت مع أحمد مجاهد رئيس اللجنة المؤقتة التي تدير اتحاد الكرة خلال تسليم درع الدوري.

وقال شيكابالا في تصريحات لبرنامج "الحكاية" المذاع على قناة "أم بي سي مصر": "كنت عايز اللاعيبة الصغيرة تدخل؛ اللاعيب الصغير ده بيكون نفسه ياخد بطولة مع الزمالك لعيب زي ده لما يتصور مع الدرع حاجة كبيرة".

وأضاف: "يوسف أوباما إخواته جايين من إسكندرية مدخلوش كنت واقف بكلم الأمن ومحدش بيقولك رد ولما ابتدوا يدخلوا بعد الماتش بعشر دقائق؛ بعد الماتش واحنا في الدقيقة 70 أحداد خرج راح جاب مراته بلبس الكورة من الشارع".

وتابع: "أنا بزعق بقوله لازم اللاعيبة بتاعتي تدخل والناس خدت اللقطة دي إني بشتم؛ وكنت عايز أخرج أجيب تشيرتات الشركة الراعية اللي عملاهالنا".

وأكمل: "أنا بكلم رئيس الاتحاد لأني أعرفه وهو شخصيا مش لاقي رد قلتله عشان انت أهلاوي مش عايز تدخل الناس قالي لا شركة الأمن مش عايزة تدخل الناس".

واختتم: "هو بنفسه طلع قال إني مقلتش حاجة بيقول الراجل بتاع لجنة المسابقات هو اللي كاتب التقرير وهو نفس اللي كاتب التقرير رئيس اللجنة طيب أنت وقفتني عشان إيه".