"لو النادي قالي أمشي همشي".. جنش يكشف حقيقة خلافاته مع أبو جبل

كشف محمود جنش حارس نادي الزمالك؛ حقيقة وجود خلافات مع زميله محمد أبو جبل مشيرا إلى أن كل ما يقال عن الأمر في وسائل الإعلام غير صحيح.

وقال جنش في مقابلة مع برنامج "يحدث في مصر" المذاع على قناة "أم بي سي مصر": "أنا راجل مليش علاقة بالإعلام والكرة فيها أمور أخرى معرفش أعملها ولا هعملها وانا مبعرفش أكلم حد ولا هكلم حد ومش هعرف أعمل كدة".

وأضاف: "بقالي عشر سنين في النادي عمري ما عملت مشكلة بيحصلي مشاكل بتتصدر في الإعلام أنا معملتهاش؛ كنت بتعالج في مرة ومصاب وقالوا أني عملت مشكلة".

وتابع: "الناس في النادي عارفة أنا بعمل إيه؛ أنا بيحصل معايا العكس اللاعيبة عارفة أنا اية واية اللي بيحصل مني؛ رئيس النادي والمدرب اتكلموا عني كويس".

واختتم: "انا معنديش مشكلة لو النادي قالي أمشي أنا أمشي؛ 18 فريق في الدوري كلهم كلموني طبيعي أنت لعيب في نادي الزمالك هبجيلك عروض لو مكنتش عايز أقعد في النادي مكنتش جددت".