السيسي عن زيادة رغيف العيش: "دخل الفرد كان 400 جنيه في 2011"
تحدث الرئيس عبد الفتاح السيسي، عن سعر رغيف العيش، قائلا: "الناس استغربت لما اتكلمت في رغيف العيش.. خلال الـ 50 سنة اللى فاتوا اتعملت منظومات كتير.. كانت مرتبة على ظروف وأوضاع موجودة في الوقت ده.. الظروف ده مش ممكن نستمر أو نقبل أنها تستمر كده على طول".
وأضاف الرئيس السيسي خلال كلمته في افتتاح مشروعات سكنية جديدة في مدينة بدر: "هديكم مثال.. رغيف العيش لما زاد من قرشين إلى 5 قروش كان بيتكلف 18 قرشا.. ولما بقى 5 صاغ دلوقتى بيكلف 65 قرشا.. طب هو دخل الفرد في 2011 كان أقل من 400 و500 جنيه ووصل إلى أكثر من ألفين جنيه وفق الحد الأدنى للمرتبات.
كان الرئيس عبد الفتاح السيسي وجه برفع سعر رغيف العيش قبل نحو أسبوعين أثناء افتتاح مصنع سايلو فودز للمنتجات الغذائية في مدينة السادات.
